बुटवल जेसीजले स्वर्ण जयन्तीको अवसरमा सप्ताव्यापी कार्यक्रम गर्ने

बुटवल । बुटवल जेसीजले स्वर्ण जयन्तीको अवसरमा सप्ताव्यापी कार्यक्रम गर्ने भएको छ । स्थापना भएको ५० वर्ष पुगेको अवसरमा भदौ १५ देखी २१ गते सम्म बुटवलमा विभिन्न कार्यक्रम गर्न लागेको हो ।

आज बुटवलमा पत्रकार सम्मेलन गरी भदौ १५ गते प्रभात फेरी १६ गते चित्रकलाको बुटवलको पर्यटन प्रर्बद्धन विषयक कार्यशाला अभिमुखीकरण गर्ने , १७ गते प्रकरण र जेसिस अभियान विषय विषय प्लानल डिसकस कार्यक्रम गर्ने भएको छ । यस्तै १८ गते मानवतको सेवाको लागि रक्तदान कार्यक्रम र पर्यटन प्रवद्धनमा आधारीत वृहत खुल्ला चित्रकला प्रतियोगिता गर्ने स्र्वण जयन्ती समारोह मुल संयोजक मनोज भट्टराईले बताए ।

साथै १९ गते समुदायक जेसिजका लागि धारा हस्तान्तरण कार्यक्रम , प्रकरण विषय अन्तर उच्च मावि स्तर वक्तृत्वकला प्रतियोगिता भदौ २१ गते बृक्षा रोपण, जेसिस पथ नामाकंन गर्ने कार्यक्रम तय भएको जेसिज बुटवलका अध्यक्ष हिर विक्रम कुवंरले बताए । सप्ताहव्यापी कार्यक्रम सम्पन्न गर्नको लागि कार्यक्रम संयोजक तोकि सकिएको र कार्यक्रमको तयारी अन्तिम चरणमा पुगिसकेको जेसिजका कार्यकारिणी उपाध्यक्ष एवं साप्ताहिक कार्यक्रमका मुल संयोजक अर्जुन ज्ञवालीले जानकारी दिए ।

यस्तै जेसिजले नेपालका युवाहरुको नेतृत्व, व्यक्तित्व र उद्यमशिलता सिप विकासका काम गरिरहेको र यसलाई अझ प्रभावकारी रुपमा अघि बढाउनु पर्ने पूर्वअध्यक्ष दिनेश श्रेष्ठले बताए । साथै उनले मंसिरमा बुटवल जेसिजले राष्ट्रिय महाधिवेशको कार्यक्रम पनि गर्न लागेको जानकारी दिए ।

बुटवल जेसिज नामक अभियान आधिकारीक रुपमा सन् १९७४ मा नेपाल जेसिज र जनियर चेम्बर इन्टरनेशनलको आवद्धतामा दर्ता भएको थियो । जेसिजका १२४ राष्ट्रिय संगठन, ५ हजार स्थानिय संगठन र २ लाख वढी सक्रिय सदस्यहरु छन् । नेपाल जेसीजको १७८ स्थानिय शाखा १५, हजार बढी सदस्यहरु रहेका छन ।