ताजा अपडेट »

रुपन्देही जिल्ला शारीरिक सुगठन तथा फिटनेस संघ गठन

सोमबार, २२ जेठ २०८०, १६ : ५७
6 Shares

बुटवल । नेपाल शारीरिक सुगठन तथा फिटनेस महासंघ मातहतमा रहने गरि आइतबार रुपन्देही जिल्ला शारीरिक सुगठन तथा फिटनेस संघ गठन भएको छ।

नेपाल शारीरिक सुगठन तथा फिटनेश महासंघका पूर्व केन्द्रीय सदस्य तथा रुपन्देही जिल्ला शारीरिक सुगठन तथा फिटनेश संघका अध्यक्ष सितु प्रसाद श्रेष्ठको अध्यक्षता तथा लुम्बिनी प्रदेश खेलकुद परिषदका प्रतिनिधि राज कुमार पाण्डे, जिल्ला खेलकुद विकास समितिका अध्यक्ष भुपाल क्षेत्री (हरि) र राखेप शारीरिक सुगठनका प्रशिक्षक केशव बहादुर शाक्य लगायतका उपस्थितिमा भेला सम्पन्न भएको हो ।

भेला पश्चात् राज कुमार श्रेष्ठकाे अध्यक्षतामा ७ सदस्यीय नयाँ समिति चयन गरिएको छ । यसअघि शारीरिक सुगठनसम्बन्धी दुई वटा राष्ट्रिय स्तरमा संघ WBPF र IFBB क्रियाशील रहेकोमा हालै राष्ट्रिय खेलकुद परिषदको पहलमा दुवै संस्था एकीकृत भइ नयाँ विधान बनाउँदै नयाँ महासंघ गठन गरिएको हाे । महासंघकाे बिधानले गरेको व्यवस्था अनुसार महासंघ मातहतमा रहने गरि क्रमशः प्रदेश तथा जिल्ला समितिहरु क्रमशः देशभरि नै गठन गर्ने कार्यलाई निरन्तरता दिइएको नेपाल शारीरिक सुगठन तथा फिटनेश महासंघका पूर्व केन्द्रीय सदस्य सितु प्रसाद श्रेष्ठले बताए ।

नव गठित रुपन्देही जिल्ला शारीरिक सुगठन तथा फिटनेस संघकाे उपाध्यक्षमा मनोज अग्रवाल,सचिवमा आशिष श्रेष्ठ, कोषाध्यक्षमा उत्तम गुरुङ्ग तथा सदस्यहरुमा क्रमशः सुदिप कोइराला क्षेत्री , सुरज दास नापित, मनोज गीरी रहेको अध्यक्ष राज कुमार श्रेष्ठले जानकारी गराए।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।