बुटवल । दाेभान माध्यमिक विद्यालय,तिनाउ पाल्पाले आफ्ना अभिभावकहरुलाई शुक्रबार दाेभानमा एक दिवसीय अभिभावक शिक्षा प्रदान गरेकाे छ ।
उक्त शिक्षा कार्यक्रममा शिक्षा विकास तथा समन्वय ईकाई,रुपन्देहीका प्रमुख दीपेन्द्र ढकाले सहजीकरण गरेका थिए । उनले अभिभावकहरुलाई विद्यार्थीले गर्ने माग,अभिभावककाे कर्तव्य र अभिभावकले पालना गर्नुपर्ने विषयवस्तु सम्बन्धि सहजीकरण गरेका थिए । उक्त कार्यक्रममा तिनाउ शिक्षा समितिका संयाेजक एवम् पालिका अध्यक्ष प्रेम श्रेष्ठले दाेभान माविले आयाेजना गरेकाे अभिभावक शिक्षा प्रभावकारी रहेकाे बताउँदै तिनाउमा रहेका सबै विद्यालयले यस्ताे कार्यक्रम सञ्चालन गर्नुपर्नेमा जाेड दिए ।
उक्त कार्यक्रममा तिनाउ गाउँपालिकाकाे शैक्षिक सुधारका लागि अभिभावककाे भूमिका महत्वपूर्ण हुने बताए ।
राजेश श्रेष्ठकाे अध्यक्षतामा सञ्चालित उक्त कार्यक्रमकाे सञ्चालन गाेपाल केसी र स्वागत शिक्षक अभिभावक संघका अध्यक्ष चक्रव्यूह थापाले गरेका थिए ।
युनिकोड
मिति रूपान्तरण
ग्लोबल आवाज
प्रतिक्रिया