तिलाेत्तमाकाे आनन्दवन शंकरनगर खानेपानीले दिएको कम्पाेष्ट बिनकाे प्रयाेग प्रभावकारी भएन

तिलाेत्तमा । रूपन्देहीको तिलाेत्तमा १ मा रहेकाे आनन्दवन शंकरनगर खानेपानी उपभाेक्ता तथा सरसफाइ संस्थाद्वारा वितरण गरिएका कम्पाेष्ट बिनकाे प्रयाेग प्रभावकारी देखिएकाे छैन् । उपभोक्ताकाे घरकाे भान्छाबाट निस्किएका कुहिने फाेहरकाे व्यवस्थापनका लागि वितरण गरिएका कम्पाेष्ट बिनकाे प्रभावकारी प्रयाेग नभएकाे उपभोक्ताले बताएका छन् ।

तिलाेत्तमा नगरपालिका ६ का उपभोक्ता शान्ति पाण्डेकाे नाममा प्रदान गरिएकाे कम्पाेष्ट बिन अहिले बन्द काेठामा यत्तिकै थन्किएको बाबुराम पाण्डेले बताए ।" खानेपानीकाे अफिसबाट बाेलाएर दिनुभयाे । रू ६०० पनि तिरेर ल्याएँ , तर याे प्रयाेग गर्ने तरिका थाहा छैन् । कसरी कम्पाेष्ट मल बनाउने ? " बाबुरामले बताए । त्यसैगरी तिलाेत्तमा ५ का अर्का उपभोक्ता रामजी प्रसाद काफ्लेकाे पनि कम्पाेष्ट बिन त्यसै थन्क्यिएकाे छ । उनलाई पनि साे भाँडाेमा कम्पाेष्ट मल कसरी बनाउनु पर्छ भन्ने थाहा छैन् । खानेपानीले आफ्नाे कार्यक्षेत्रका उपभोक्ताकाे लागि वितरण गरेका कम्पाेष्ट बिन धेरैले थन्क्याएर राखेका छन् भने नगन्ने मात्रामा उपभोक्ताले प्रयाेग गरेकाे भेटिएकाे हाे ।

कम्पाेष्ट मल बनाउने भाँडाे ( कम्पाेष्ट बिन ) बितरण गर्ने तर कसरी कम्पाेष्ट मल कसरी बनाउने भन्ने नसिकाउँदा प्रयाेग बिहिन बनेकाे उपभोक्ताहरूकाे भनाइ छ । कतिपयले भने माेबाइलमा युटुबबाट मल बनाउने तरिका हेरेर र सिकेर मल बनाएकाे बताउँछन् । वाड नम्बर १ का नन्दकुमार थापाकाे नाममा प्रदान गरिएकाे कम्पाेष्ट बिनमा युटुवबाट मल बनाउने विधि सिकेर मल बनाउने प्रयास गरेकाे श्रीमतीले बताइन् । उता वाड न ५ का उपभोक्ता लक्ष्मण ज्ञवालीकाे नाममा दिइएकाे कम्पाेष्ट बिन उनकी श्रीमतीले आफ्नै ढंगबाट प्रयाेग गरेकाे बताइन् । पहिलेबाटै गमला , बाेरामा भान्साका फाेहर राखेर अाफ्नै ढंगले मल बनाइरहेकाेले साे भाँडाे आफूले जानेअनुसार प्रयाेग गरेकाे लक्ष्मणकी श्रीमती राजुदेवी ज्ञवालीकाे भनाइ छ ।

तिलाेत्तमा नगरपालिका र खानेपानीकाे लगानीमा एक हिस्सा उपभोक्ताकाे पनि लगानी राखिएकाे छ । उपभोक्तालाई अपनत्व गराउन उनीहरूकाे पनि लगानी राखिएकाे साे संस्थाका उपाध्यक्ष किशोर कुमार क्षेत्रीले बताए । अाफ्नाे कार्यक्षेत्रभित्र रहेका वाड नम्बर ३ काे केहि भुभाग वाड नम्बर १,४,५,६ ,८ , ९ मा रहेका एक कठ्ठाभन्दा कम जग्गा भएका उपभोक्ताकाे लागि साे बिन बितरण गरिएकाे उपाध्यक्ष क्षेत्रीले बताए । तिलाेत्तमा नगरपालिकाले ५०० वटा उपलब्ध गराएकाे र ५०० वटा खानेपानीले खरिद गरेकाे समितिले जनाएकाे छ ।

१००० काे सङ्ख्यामा रहेका कम्पाेष्ट बिन हालसम्म ९२७ वटा वितरण गरिएकाे प्रशासन प्रमुख नवराज न्याैपाने बताए । वार्षिक करिब ५६० उपभोक्ताहरू थपिने साे खानेपानीमा हालसम्म ८३०० उपभोक्ता रहेकाे प्रशासन प्रमुख न्याैपानेले बताए । उपभोक्ताहरूले प्रयाेग विधि नजानी अलपत्र पर्दा प्रशासन प्रमुख न्याैपानेले भने कम्पाेष्ट बिन वितरण गर्दा मल बनाउने तरिका सिकाएर नै वितरण गरिएकाे न्याैपानेकाे दावी छ ।