बुटवल । कपिलवस्तुको बाणगंगामा दुईजनाको हत्या भएको छ। बिहेको कुरा अस्विकार गर्दा उनीहरुको हत्या भएको कपिलवस्तुका प्रहरी नायव उपरीक्षक मिन बहादुर घलेले बताए ।

बाणगंगा नगरपालिका वडा नम्बर ६, मटेरियाका ७० वर्षीय बम बहादुर थारु र उनकी भतिजी २२ वर्षीया अन्जनी थारुको चक्कु प्रहार गरि हत्या गरिएको हो । उनिहरु दुवै जनाको उपचारको क्रममा मृत्यु भएको प्रहरीले जनाएको छ । रुपन्देहीको कञ्चनका २२ वर्षीय मोहन थारुले उनिहरुमाथि चक्कु प्रहार गरेको प्रहरी नायव उपरीक्षक घलेले बताए ।

चक्कु प्रहारपछि दुबै जना गम्भिर घाईते भएका थिए। बम बहादुरको जीतपुरमा उपचारको क्रममा र अन्जनीको मेडिकल कजेल भैरहवामा मृत्यु भएको प्रहरीले जनाएको छ। प्रहरीका अनुसार मोहन थारु र अन्जनी थारु विगत २ वर्षदेखि प्रेम सम्बन्धमा रहेको र विहेको प्रस्ताव अस्विकार गरेपछि हत्या गरेको भनाई छ । हत्या गर्ने थारुलाई प्रहरीले नियन्त्रणमा लिएर अनुसन्धान थालेको छ ।