तिलोत्तमामा एमालेको मिसन ग्रासरूट अभियान टोलटोलमा जारी

बुटवल । नेकपा एमालेको पार्टी शुद्दिधिकरण तथा विस्तार (मिसन ग्रासरूट) अभियान टोलटोलमा जारी छ । अभियान अन्तर्गत बुधबार रूपन्देहीको तिलोत्तमा १ मा टोल कमिटी बिस्तार गरिएको छ । कार्यक्रमलाई सम्बोधन गर्दै प्रमुख अतिथि लुम्बिनी प्रदेश कमिटी सदस्य बिमला पन्थीले देश र जनताका लागि लड्ने एकमात्र पार्टी नेकपा एमाले नै भएको बताइन् ।

Advertisement

उनले टोल कमिटी भनेको पार्टीको पिल्लर भएको बताउँदै पिल्लर बलियो भएमा घर बलियो हुने र त्यो घर सिंगो नेकपा एमाले भएको बताइन् । उनले प्रत्येक व्यक्तिको समस्या बुझ्ने र नजिक हुने भनेको नै स्थानीय कार्यकर्ता भएको उल्लेख गर्दै अबको नेतृत्व युवाको काँधमा रहेको बताइन् । अब एमालेले प्रत्येक व्यक्तिलाई उत्पादनसँग जोड्ने उदेश्य लिएको बताइन् ।

मिसन ग्रासरूटबाट पार्टीमा भएका समस्या पत्ता लगाई सोहि आधारमा पार्टीले आवश्यक प्रशिक्षण दिने बताइन् । कार्यक्रममा बोल्दै तिलोत्तमा नगरपालिका वाड नम्बर १ का अध्यक्ष फर्सुराम गिरीले वडामा बाटोघाटोका समस्या रहेको स्वीकार्दै अब यसतर्फ विशेष ध्यान दिइने बताए । कार्यक्रममा सहभागीले बाटोघाटो र विद्युत पोललगायतका समस्या भएकोले छिट्टै नै यसतर्फ ध्यान दिन आग्रह गरेका छन् ।

साथै पार्टीमा योगदानका आधारमा हरेक व्यक्तिको उच्च मूल्यांकन गर्नुपर्ने भन्दै अहमताको भावना त्याग्नु पर्नेमा जोड दिएका छन् । कार्यक्रम टोल कमिटी अध्यक्ष प्रेम केसीको अध्यक्षतामा सम्पन्न भएको थियो ।