बुटवल । आइसिसी विश्वकप लिग-२ क्रिकेट अन्तरगत नेपालले आइतबार घरेलु मैदानमा युनाइटेड अरव इमिरेट्स (युएई) सँग खेल्दैछ । त्रिकोणात्मक ओडिआई सिरिज अन्तर्गत आइतबारको खेलमा जित दर्ता गर्दै नेपाल शिर्ष ३ मा रहेर सिधै विश्वकप खेल्ने योजनामा रहने छ भने युएई ओडिआई मान्यता पक्का गर्न चाहान्छ ।
नेपालले बाँकी रहेका ३ वटै खेलमा जित दर्ता गर्न सकेमा सिधै विशवकप छनोटमा सहभागी हुन पाउने छ भने यूएईको विश्वकप छनोटमा सिधै प्रवेश गर्ने अवसर लगभग गुमाइसकेको छ ।
खेल बिहान ९ : ३० मा टियु क्रिकेट मैदानमा सुरु हुनेछ । घरेलु टोली नेपालले अबका २ खेल जिते मात्रै पनि आगमी चार वर्षको लागि ओडिआई मान्यता पक्का हुने छ । नेपाल ३३ खेलमा १६ मा जित र १५ मा हारसहित ३४ अंकका साथ पाँचौं स्थानमा छ । अमेरिका ३६ खेलमा १६ मा जित र १७ मा हारसहित ३५ अंकका साथ चौथो स्थानमा छ ।
नेपालले यदि आइतबार युएईलाई हराउँदा ३६ अंकका साथ चौथो स्थानमा उक्लिनेछ । भोलीको खेल जितेमा बाँकी दुवै खेलमा पराजित भएपनि नेपाल शीर्ष पाँचमा रहँदै सोझै ओडिआई मान्यता बचाउनेछ । त्यसैले नेपालको लक्ष्य युएईलाई हराउँदै ओडिआई मान्यता पक्का गर्ने पहिलो उद्देश्यलहुनेछ ।
यता युएई ३३ खेलमा १४ मा जित र १६ मा हारसहित ३१ अंकका साथ छैटौं स्थानमा हुनेछ । युएईलाई शीर्ष पाँचमा रहँदै ओडिआई मान्यता जोगाउन बाँकी तीनै खेल जित्नुपर्ने हुन्छ । नेपालसँग पराजित भएमा ओडिआई मान्यता सोझै प्राप्त गर्ने अवसर निकै कठिन बन्नेछ । नेपालसँग पराजित हुँदा ओडिआई बचाउन युएईले बाँकी दुई खेलमा अप्रत्याशित फराकिलो जित हात पार्नुपर्ने हुन्छ ।
यता नेपालले पछिल्ला ९ मध्य ८ खेलमा जित हात पारेको छ । पछिल्ला पाँच घरेलु मैदानमा नेपाल पराजित भएको छैन । उता युएईले पछिल्ला १० खेलमा २ मा मात्रै जित हात पारेको छ । नेपाललाई सोझै विश्वकप छनोट खेल्न बाँकी तीनै खेल जित्नुपर्ने हुन्छ । युएई भने शीर्ष तीन दौडबाट बाहिरिएको छ ।
अव विश्वकप छनोटमा स्थान बनाउन क्वालिफायर प्लेअफ खेल्नुपर्ने हुन्छ । नेपालले पछिल्लो खेलमा पपुवा न्युगिनीलाई ५२ रनले पराजित गरेको थियो । उक्त खेलमा आसिफ शेखले १ सय १० रनको शतकीय इनिङ खेलेका थिए ।
ओपनर कुशल भुर्तेल र आसिफले पहिलो विकेटका १ सय १० रनको सानदार शतकीय साझेदारी गरेका थिए । नेपालको बलिङमा कुनै परिवर्तनको सम्भावना छैन । स्पिनर सन्दीप लामिछाने, तीव्र गतिका बलर करण केसी र सोमपाल कामी प्रमुख बलरको रुपमा रहनेछन् ।
ज्ञानेन्द्र मल्लको प्रदर्शन टिमको लागि चिन्ताको विषय बनेको छ । तर नेपालले ज्ञानेन्द्रलाई थप विश्वास गर्ने देखिन्छ । त्यसैले नेपालको टोलीमा परिवर्तनको सम्भावना कम देखिन्छ ।
यता युएईको मध्यक्रम ब्याटिङ निकै खराब रहँदै आएको थियो । मध्यक्रम सुधारको लागि अर्यांश शर्मालाई डेब्यू दिनसक्छ । मोहम्मद वासिम र वृत्य अरविन्दबाट युएई राम्रो प्रदर्शन चाहन्छ । मध्यक्रममा रोहन मुस्तफाको प्रदर्शन महत्वपूर्ण हुनेछ ।
उता ओपनर आसिफ खानले नेपालविरुद्ध पछिल्ला दुई इनिङमा ७२ र ८२ रनको इनिङ खेलेका थिए । त्यसैले आसिफबाट नेपाल बच्नुपर्ने हुन्छ । तीव्र गतिका बलर जहुर खान र जुनैद सिद्दिक प्रमुख बलर हुन् । आयन खान अफ्जल प्रमुख स्पिनरको रुपमा रहनेछन् ।
युनिकोड
मिति रूपान्तरण
ग्लोबल आवाज
प्रतिक्रिया