ताजा अपडेट »

बुटवलबाट चलचित्र ‘फूलबारी’को प्रमोशन सुरु, देश दौडाहमा कलाकार

शनिबार, १४ माघ २०७९, १६ : ०७
41 Shares

बुटवल । सधै नयाँ र फरक भूमिका देखिन चाहने कलाकार विपिन कार्कीको मूख्यम भूमिका रहेको नेपाली कथानक चलचित्र ‘फूलबारी’को प्रमोशनका लागि कलाकारहरु देश दौडाहमा लागेका छन् । यसै क्रममा बुटवलबाट निर्माता तथा कलाकारको समूहले शनिबारदेखि यात्रा सुरु गरेका छन् । युवा पुस्ताले रुचाएका कलाकार कार्कीसहित, दयाहाङ राई, प्रियाङ्का कार्की र शिल्पा मास्के लगायतका कलाकार मूख्य भूमिकामा रहेका छन् ।

यशोधा फिल्मको ब्यानरमा बनेको चलचित्रमा कमलकिशोर मालपानीको कथा र रामबाबु गुरुङको निर्देशन रहेको छ । सफल निर्देशकहरु मध्येमै गनिने गुरुङले निर्देशन गरको फिल्म निर्माता मनिष ढकालले चलचित्र सफल हुनेमा आफू ढुक्क भएको बताए । शनिबार सञ्चारकर्मीहरुसँगको कुराकानीमा कलाकार विपिन कार्कीले आफूले फरक र नयाँ भूमिका पाएका कारण फूलबारीमा अभियन गर्न आएको स्पष्ट पारे । फिल्म आफू एक ‘रिटायर्ड शिक्षक’को भूमिकामा रहेको बताउँदै उनले परिवारभित्र हुने सानातिना झगडा, परिवारका सदस्य बीचको शंका तथा उपशंकाका साथै कुनै सदस्यमाथि गरिने विश्वास अपेक्षाका बारेमा व्याख्या गर्न खोजिएको बताए । हाम्रो सामान्य जीवनमा भोगिरहेका विषय बस्तुलाई कथाका रुपमा उतारेर फिल्मलाई जिबन्त र सबै परिवार बसेर हेर्न मिल्नेगरी तयार पारिएको उनले ।

आगामी फागुन ५ गते देखि प्रदर्शन हुने फिल्मको प्रमोशनका लागि देश दौडाहामा निस्केका चलचित्रका कलाकार प्रियंका कार्कीले रातदिन नसुतेर फिल्म सफल बनाउन लागेको बताइन् । यसैगरी संगीतकार तथा गायक कलिप्रसाद बास्कोटाले आफू प्राय फिल्मका प्रमोशनहरुमा नहिड्ने गरेको बताउँदै चलचित्र फूलबारी सफल हुने विश्वासले नै देशदौडाहमा हिड्न प्रेरित गरेको उल्लेख गरे ।

चलचित्र पत्रकार संघ रुपन्देहीको आयोजनामा भएको पत्रकार भेटघाटमा उनीहरुले पारिवारीक कथामा आधारित चलचित्रमा दैनीक जीवनमा घरघरमा घट्ने घट्नाहरुलाई उजागर गरिएको बताए । पत्रकार सम्मेलनमा बोल्दै कार्यकारी निर्माता मनिराम पोखरेलले काठमाडौ पछिको सबैभन्दा धेरै ईभेन्ट हुने स्थानका रुपमा परिचय बोकेको बुटवलमा चलचित्रको राम्रो दर्शक रहेको बताए । फुलबारी नाम अनुसार नै सबै पात्रहरु फरकफरक फुलहरुको कलालाई देख्न सकिने उनको भनाई छ ।

बुटवलबाट प्रोमोशन शुरु गरेको टिमले नेपालका मुख्य पाँच स्थान पोखरा, चितवन, ईटहरी, बिर्तामोड पुग्ने छ । कार्यक्रम चलचित्र पत्रकार संघ रुपन्देहीका उपाध्यक्ष दिनेश कुमार श्रेष्ठको अध्यक्षता र सचिव विकाश गौतमको संचालनमा सम्पन्न भएको थियो ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।