बुटवल । राष्ट्रिय लोक तथा दोहोरी गीत प्रतिष्ठान नेपालका आजिवन सदस्यद्वय खिम बहादुर गैरे र समिक्षा बिसीले आफ्नी छोरीको जन्मदिनको अवसरमा प्रतिष्ठानलाई आर्थिक सहयोग गरेका छन् । गैरे र कलाकार समेत रहेकी गायिका बिसीले आफ्नी छोरी आँचल गैरेको दोस्रो जन्मोत्सवको अवसरमा राष्ट्रिय लोक तथा दोहोरी गीत प्रतिष्ठानलाई नगद रु १५ हजार सहयोग प्रदान गरेका हुन् ।
उनीहरुले मंगलबार एक कार्यक्रमकाबीच राष्ट्रिय लोक तथा दोहोरी गीत प्रतिष्ठान रुपन्देहीका अध्यक्ष दिपक कार्कीलाई उक्त रकम हस्तान्तरण गरेका छन् । आँचलका बुवा–आमाद्वयले उक्त रकम प्रतिष्ष्ठानकै आर्थिक अवस्था भएका कलाकार वा अन्यलाई सहयोगार्थ उक्त रकम प्रदान गरेको प्रतिष्ठानका अध्यक्ष कार्कीले जनाए।
जन्मदिनका अवसरमा भोज,पार्टी, मनोरञ्जन जस्ता क्रियाकलापमा क्षणिकका लागि खर्च गर्नुभन्दा सो रकम आवश्यक पर्नेका लागि सहयोग गर्नु राम्रो भन्दै गैरै र बिसी दम्पतिले प्रतिष्ठानलाई सहयोग गरेको उनले बताए। साथै प्रतिष्ठानमा यस्तो पहिलो सहयोग रहेको र आगामी दिनमा अन्य व्यक्तिहरुले पनि निरन्तर सहयोग गर्न सक्ने उनले जनाए ।
सहयोग हस्तान्तरण कार्यक्रममा राष्ट्रिय लोक तथा दोहोरी गीत प्रतिष्ठान लुम्बिनीका अध्यक्ष डिल्लीनारायण पाण्डे, सल्लाहकार टंकप्रसाद गैरे, जिल्ला सल्लाहकार नारायण बहादुर रायमाझी र प्रतिष्ठान गुल्मी जिल्ला प्रथम उपाध्यक्ष तथा गायिका शिलु भट्टराई लगाएतको उपस्थिति रहेको थियो ।
गायिका भट्टराइको संयोजकत्वमा बुटवलस्थित हिमचुली दोहोरी सांझमा सम्पन्न सहयोग हस्तान्तरण कार्यक्रमको सञ्चालनप्रतिष्ठानका सचिव तथा हाँस्य कलाकार उज्जवल गिरीले गरेका थिए ।
युनिकोड
मिति रूपान्तरण
ग्लोबल आवाज
प्रतिक्रिया