नवौं राष्ट्रिय खेलकुदमा पदक बिजेता खेलाडीलाई सम्मान

बुटवल | नवौं राष्ट्रिय खेलकुद प्रतियोगिता २०७९’मा शारीरिक सुगठन खेलमा रुपन्देही जिल्लाबाट सहभागी भई उत्कृष्ट नतिजा हासिल गर्न सफल भएका खेलाडीहरूलाई सम्मान गरिएको छ ।

रुपन्देही जिल्ला शारीरिक सुगठन तथा फिटनेस संघका अध्यक्ष सितु प्रसाद श्रेष्ठले खेलाडीहरूलाई बुधबार सम्मान गरेका हुन् ।रुपन्देही जिल्ला शारीरिक सुगठन तथा फिटनेस संघकाे आयोजनामा बुटवल ९ मिलनचाेक स्थित ए एण्ड ए हेल्थ क्लबमा भएको उक्त कार्यक्रममा खेलाडीहरूलाई सम्मान पत्र, ट्रक सुट र खादा लगाएर सम्मान गरिएको थियाे ।

सम्मान कार्यक्रमलाई सम्बोधन गर्दै अध्यक्ष श्रेष्ठले रुपन्देही जिल्लाका शारीरिक सुगठन खेलाडीहरूले निरन्तर सफलता हासिल गर्दै गएको बताए ।उनले राष्ट्रिय खेलमा प्राप्त पदकले खेलाडीहरुको मात्र नभई संधको नाम समेत उच्च बनाएको बताए । उनले खेलाडीमा निरन्तरता र अनुशासन अनिवार्य रहेको बताउदै आगामी दिनमा खेअझ अनुशासित, मेहनती र लगनशील भई राष्ट्रिय तथा अन्तर्राष्ट्रियस्तरका प्रतियोगिताहरूमा समेत उत्कृष्ट प्रदर्शन गर्दै रुपन्देहीकाे मात्रै नभएर देश कै नाम राख्ने विश्वास व्यक्त गरे ।

अन्तर्राष्ट्रिय निर्णायक केशव बहादुर शाक्यकाे प्रमुख आतिथ्यतामा संपन्न उक्त कार्यक्रम संचालन संघका सचिव राजकुमार श्रेष्ठले गरेका थिए। उक्त कार्यक्रममा पदक ल्याउन सफल रुपन्देहीका खेलाडी बिष्णु निशाद, बिजेन्द्रमान श्रेष्ठ र सुनिल आलेतथा प्रशिक्षक केशव बहादुर शाक्य तथा निर्णायक द्वय राजकुमार श्रेष्ठ र शिबध्वजराई लाई सम्मानित गरिएको थियो । साे कार्यक्रममा रुपन्देही जिल्ला पावर लिफ्टिङ्ग संघका अध्यक्ष चन्द्रमान श्रेष्ठ तथा रुपन्देही जिल्लाका शारीरिक सुगठन खेलाडीहरुकाे उपस्थित रहेको थियो ।