उप-निर्वाचन अपडेट : दाङमा ३ बजे सम्म ४२ प्रतिशत मत खस्यो

मंसिर १४,

सुमन केसी / ग्लोबल आवाज

दाङ । दाङमा विहान सात वजेदेखि शुरु भएको उप निर्वाचनको मतदान जारी भएको छ । दिउँसो ३ बजेसम्म दाङमा ४२ प्रतिशत मत खसेको छ ।

तुलसीपुर उपमहानगरपालिकाको १, २, १० र ११ वडा र शान्तिनगर गाउपालिका, दगिशरनगाउपाली, बबई गाउपालिका, त्यसैगरि घोराही उपामहानगरपालिका वडा न १६ मा मतदान भइरहेको छ ।

जिल्लाको घोराही १६ मा वडाध्यक्ष पदको लागी र दाङ कै निर्वाचन क्षेत्र नं ३ (ख)मा प्रदेशसभा सदस्यको लागी हुने मतदान भईरहेको छ ।

दाङको २ स्थानमा हुने निर्वाचनलाई मध्यनजर गरी सुरक्षा ब्यवस्था कडा पारीएको छ । दुई स्थानको चुनाबका लागि ३४ मतदान स्थल र ८२ केन्द्र तोकिएको छ ।

निर्वाचनमा कुल मतदाता ७३ हजार १ सय ७२ जना रहेका छन् । निर्वाचन क्षेत्र नं ३ (ख)मा प्रदेशसभाका लागी ६८ हजार ७ सय १९ जनाले मतदान गर्ने निर्वाचन कार्यालय दाङले जनाएको छ । त्यसैगरी, घोराही उपमहानगरपालिका वडा नं १६ मा ४ हजार ४ सय ५३ जनाले मतदान गर्दैछन् ।

निर्वाचन क्षेत्र नं ३ (ख) मा ३२ मतदान स्थल र ७७ मतदान केन्द्र, घोराही १६ मा २ मतदान स्थल र ५ केन्द्र केन्द्र रहेका छन् । प्रदेश सभा सदस्य तर्फ १२ राजनितिक दल र २ स्वतन्त्र गरी १४ जना प्रतिस्पर्धा गर्दै छन् भने घोराही १६ मा ५ राजनितिक दल र २ स्वतन्त्र गरी ७ जनाले वडा अध्यक्ष पदका लागि प्रतिस्पर्धा गरेका छन् ।

निर्वाचन क्षेत्र नम्बर ३ को (ख) मा प्रदेशसभा सदस्य उत्तरकुमार वलीको सवारी दुर्घटनामा र घोराही १६ का अध्यक्ष लछिनप्रसाद बुढाको बिरामीका कारण निधन भएपछि उपनिर्वाचन हुन लागेको हो ।