गुल्मीमा जिप दुर्घटना,१ को मृत्यु ,४ घाइते

मंसिर ११,
ग्लोबल आवाज

गुल्मी । गुल्मीमा गएराति भएको जिप दुर्घटनामा १ जनाको मृत्यु भएको छ भने ४ जना घाइते भएको छन् । जिल्लाको सत्यवति गाउँपालिका वडा नम्बर–३ ठूलो लुम्पेको बुटिसगैरामा रिडीबाट ठूलो लुम्पेक जाँदै गरेको लु १ ज २७८४ नम्बरको जिप दुर्घटनामा परेको हो ।

दुर्घटनामा परेर सत्यवति गाउँपालिका–३ सिङदी निवासी ६८ वर्षिय ललितादेवी सिंजालीको मृत्यु भएको जिल्ला प्रहरी कार्यालय गुल्मीका प्रहरी नायव उपरिक्षक (डिएसपी) मिनबहादुर घलेले बताए । दुर्घटनामा सत्यवति–३ घर भएका २२ वर्षिय राजन राहडी, २२ वर्षिय देबबहादुर बिक, ७ वर्षिय बिरेन्द्र सिंजाली र २३ वर्षिय अनिल बिक घाइते भएको प्रहरीले जनाएको छ । घाइते सबैको गएराति नै स्थानीय मेडिकलमा सामान्य उपचार पछि थप उपचारको लागि पाल्पा पठाइएको थियो । जिप र चालकलाई प्रहरीले नियन्त्रणमा लिएको छ ।