रुपन्देहीको ओमसतिया अध्यक्षमा एमालेका यादव विजयी

भैरहवा । रुपन्देहीको ओमसतिया गाउँपालिकामा नेकपा एमालेका मन्जित कुमार यादव (सोनु) विजयी भएका छन । सोनुले ४ हजार ८ सय ३२ मत प्राप्त गरे भने उनका निकटतम प्रतिद्धन्द्धी राप्रपाका तिलक सिंह कोइरालाले ३ हजार १ सय २९  मत प्राप्त गरे ।

यस्तै जसपाका चन्द्रभान चौधरीले २ हजार ८ सय ६४ मत प्राप्त गरेको निर्वाचन अधिकृतको कार्यालयले जानकारी दिएको छ । उपाध्यक्ष पदमा भने नेपाली कांग्रेसकी सुनिता चौधरी विजयी भएकी छिन । उनले मत पाउदा उनको निकटतम प्रतिद्धन्द्धी राप्रपाकी चित्ररेखा थारुले मत पाएकी छिन ।

यस्तै ओमसतिया गाउँपालिका वडा नम्बर १ मा राप्रपाका बेल बहादुर बराल मगर १ हजार ७ सय ३८ मत सहित वडा अध्यक्षमा विजयी भएका छन । उनका निकटतम प्रतिद्धन्द्धी नेकपा एमालेका रन बहादुर थापा मगरले ६ सय ६६ मत प्राप्त गरे । वडा नम्बर २ मा कांग्रेसका शितल जिटी ८ सय ६१ मत ल्याई विजयी भएका छन । उनका प्रतिद्धन्द्धी एमालेका रामु काफ्लेले ६ सय ३६ मत प्राप्त गरे ।

वडा नम्बर ३ मा पनि कांग्रेसका प्रकाश सिंह विजयी भएका छन । सिंहले ६ सय ७० मत प्राप्त गर्दा उनका निकटतम प्रतिद्धन्द्धी माओवादीका चन्नर प्रसाद अहिरले ५ सय ७३ मत प्राप्त गरे । वडा नम्बर ४ मा नेपाली कांग्रेसकै अखिलेश्वर कुमा पाण्डे ९ सय २५ मत ल्याई वडा अध्यक्षमा विजयी भएका छन । उनका निकटतम प्रतिद्धन्द्धी नेकपा एसका बेचुराम कलवारले ८ सय १६ मत प्राप्त गरे ।

वडा नम्बर ५ मा पनि कांग्रेसकै मदन प्रसाद पोखरेल विजयी भएका छन । पोखरेलले ९ सय १६ मत पाउदा निकटतम प्रतिद्धन्द्धी ओम प्रकाश चौधरी कुर्मिले ६ सय ९७ मत पाए । यस्तै वडा नम्बर ६ मा माओवादीका  शिव कुमार धवल ७ सय ७२ मत ल्याइ विजयी भएका छन । उनका निकटतम प्रतिद्धन्द्धी राप्रपाका मुन्सी थारुले ७ सय ५३  मत पाएको निर्वाचन अधिकृतको कार्यालयले जानकारी दिएको छ ।