बस दुर्घटना: २ जनाको मृत्यु, ९ घाइते

मकवानपुर । मकवानपुरमा बस दुर्घटना हुँदा २ जनाको मृत्यु भएको छ। जिल्लाको मनहरी गाउँपालिका वडा नम्बर–६ सुनाचुरी भुल चोकमामा भएकाे दुर्घटनामा २ जनाको घटना स्थलमै मृत्यु भएको छ भने अन्य ९ जना घाइते भएका छन् ।

Advertisement

इलाका प्रहरी कार्यालय मकवानपुरका अनुसार हेटौंडाबाट चितवनतर्फ जाँदै गरेको बा ४ ख ४४५४ नम्बरको यात्रुवाहक बस दुर्घटना भएको हो। बस अनियन्त्रित भइ पल्टिएर दुर्घटना भएको प्रहरीले जनाएको छ ।

इलाका प्रहरी कार्यालय मकवानपुरबाट प्रहरी टोली परिचालित भइ उद्दारको काम भइरहेको प्रहरी निरिक्षक प्रकाश थापाले जानकारी दिए। उनले तत्काल क्षतिको एकीन गर्न समस्या भएको र बसमा कति यात्रु थिए भन्ने बारेमा पनि जानकारी भइनसकेको बताए ।

दुर्घटनाको प्रारम्भिक अवस्था र घाइतेको अवस्था बुझ्दा मृतकको संख्या बढ्न सक्ने उनको भनाई छ। घाइते ९ जनाको उद्दार गरी उपचारका लागि चितवन तर्फ पठाइएको उनले बताए। घटनाबारे थप विवरण आउन बाँकी रहेको प्रहरी जनाएको छ ।