१३ माघ २०७९, शुक्रबार

Jan 27, 2023

बुटवल । गृहमन्त्री बालकृष्ण खाँण रुपन्देहीको मोतिपुर औद्योगिक क्षेत्रको जग्गा अतिक्रमण गर्नेहरुको पक्षमा उभिएका छन् । गृहमन्त्री खाँणले औद्योगिक क्षेत्रको जग्गा घटाएरै भएपनि जग्गा उपलब्ध गराउने बताएका छन् ।

Advertisement

शिलान्यास भएको लामो समयसम्म पनि जग्गा कब्जा तथा अतिक्रमणका कारण काम अगाडि बढ्न नसकेको अवस्थामा गृहमन्त्रीको यो प्रतिक्रियाले थप अन्यौलता आउने देखिएको छ । भोट राजनीतिका कारण औद्योगिक क्षेत्रको पक्षमा दलहरु खुलेर बोल्न नसकिरहेको अवस्थामा नेपाली काँग्रेसका केन्द्रिय सदस्य समेत रहेका गृहमन्त्री खाँणले पनि आफ्नो मत सुरक्षीत राख्नेगरी प्रतिक्रिया दिएका हुन् ।
आइतबार बुटवलको लायन्स आँखा अस्पतालको रजत महोत्सवको कार्यक्रममा सम्बोधन गर्दै उनले खुलेरै औद्योगिक क्षेत्रको जग्गा कब्जा गर्नेहरुको पक्षमा उभिएका हुन् । खाँण गृहमन्त्री भएसँगै अतिक्रमित जग्गाबाट मानिसहरु हटाउने क्रममा सुरक्षाकर्मीले गोली चलाउँदा ४ जनाको मृत्यु भएपछि आलोचित भएका थिए ।

लायन्स आँखा अस्पतालको रजत महोत्सवको कार्यक्रमलाई सम्बोधन गर्नेक्रममा गृहमन्त्री खाणले खुलेरै औद्योगिक क्षेत्रको जग्गामा बसोबास गरिरहेका मोतिपुर फर्साटिकर र अमुवाका जनताको पक्षमा आफू रहेको बताए । उनले मञ्चबाटै रुपन्देहीका प्रमुख जिल्ला अधिकारीलाई निर्देशन दिँदै भने, ‘बसोबास गरिरहेका जनतालाई नहटाईकन उद्योग स्थापनाको व्यवस्था मिलाउनु होस् । देश उनीहरुको पनि हो ।’

नेपाल सरकारले २०७२ साल चैत्र १ गते साविक बुटवल नगरपालिका, टिकुलिगढ़ गा.बि.स, आनन्दवन गा.बि.स र फर्साटिकर गा.बि.सका केहि भाग (हाल बुटवल उपमहानगरपालिका, तिलोत्तमा नगरपालिका, सुद्धोधन गाँउपलिका) चार किल्ला तोकि ८१३ बिगाहामा मोतिपुर औद्योगिक क्षेत्र घोषणा गरेको थियो । यसैगरी २०७३ बैशाख १२ गते लुम्बिनी प्रदेशमा रुपन्देहीको मोतिपुरसहित र बाँकेको नौबस्तालाई औद्योगिक क्षेत्रको रुपमा विकास गर्ने निर्णय गरेको थियो ।

मौतिपुर औद्योगिक क्षेत्रका लागि औद्योगिक क्षेत्र व्यवस्थापन लिमिटेड ८१३ विगाहको जग्गाधनी पूर्जा प्राप्त गरिसकेको छ भने बाँकी रहेको १३३ दशमलव ४६ विगाहको पूर्जा प्राप्त गर्न बाँकी रहेको छ । यसरी ९४६ दशमलव ४६ विगाहमा बन्ने औद्योगिक क्षेत्रका लागि डिपिआर निर्माण तथा वातावरणीय प्रभाव मूल्याङ्कनको काम भए पनि राजनैतिक स्वार्थ र स्थानीयहरुको बिरोधका कारण अन्यौलमा परेको छ ।

औद्योगिक क्षेत्रको गत फागुनमा तत्कालिन गृहमन्त्री विष्णु पौडेलले शिलान्यास गरे पनि काम अघि बढ्न सकेको छैन । बुटवललाई पश्चिम क्षेत्रकै आर्थिक केन्द्रको रुपमा बिकास गर्ने लुम्बिनी प्रदेश सरकारको योजना रहे पनि बहुप्रतिक्षित मोतिपुर औद्योगिक क्षेत्रको कामले गति लिन भने सकेको छैन । बुटवलमै रहेको धागो कारखाना औद्योगिक क्षेत्रमा जग्गा कम हुँदै गएपछि व्यवस्थित र ठूला उद्योगहरु स्थापना गर्नेगरी मोतिपुरलाई औद्योगिक क्षेत्र प्रस्ताब गरिएको थियो ।

प्रतिकृया दिनुहोस्

Flash News

रवि लामिछानेले प्रधानमन्त्रीसमक्ष बुझाए राजीनामा सर्वोच्चको फैसलालाई स्वीकार्दै रविले भने : म अनागरिक भए ठेकेदारको ढिला सुस्ती विरुद्ध सोच्नै पर्ने भयो : गोकर्ण बिष्ट रवि लामिछानेको सांसद पद खारेज लमजुङमा बालबालिकाले विद्यालयमै च्याउ उत्पादन गरे राष्ट्रपतिमा राष्ट्रिय सहमतिको पहल गर्ने माओवादीको निर्णय बुटवलको इन्टलेक्चुअल स्कुलमा खेलकुदको पुरस्कार वितरण बुटवलमा अक्सिजन सुविधासहितका दुई स्वास्थ्य केन्द्रको निर्माण शुरु निर्वाचन समिक्षा प्रतिवेदन बुझाउन कांग्रेस रुपन्देहीको परिपत्र सर्वोच्च परिसरमा सुरक्षा बढाइयो रवि लामिछानेको नागरिकता विवाद- न्यायाधीशहरु फैसलाको तयारीमा जुटे केपी ओली कप फुटबल प्रतियोगिता हुने, विजेताले १० लाख रुपैयाँ पाउने लुम्बिनी प्रदेशका ४ सहित १६ जिल्लामा कुष्ठरोगीहरुको संख्या उच्च बेलहिया माविमा आधुनिक बाल कक्षा अनिवार्य मार्जिन र आयातमा प्रतिबन्ध लगाउँदा राजश्व संकलनमा असर दिप बोर्डिङमा खाना महोत्सब पर्दामा फर्कंदै मुन्नाभाइ र सर्किटको जोडी नरेन्द्र मोदीलाई ग्रेटर नेपालको ज्ञापनपत्र- गुन्जी नेपालको हो, गतिविधि अन्त्य गर्नू रवि लामिछानेविरुद्धको मुद्दामा बहस सकियो पठानले राखेका यी १० रेकर्ड