इतिहासमा आजः जर्मनीद्वारा फ्रान्सबिरुद्ध युद्ध घोषणादेखि कतारको स्वतन्त्रतासम्म

आज सेप्टेम्बर ३ । आजको मितिमा विश्व इतिहासमा जर्मनी र फ्रान्सले एक अर्कोबिरुद्ध युद्ध घोषणादेखि कतारको स्वतन्त्रतालगायतका घटना भएका थिए । प्रस्तुत छ आज भएका केही विश्व घटनाः

जर्मनी र फ्रान्सद्वारा एकअर्कोबिरुद्ध युद्ध घोषणा : रसियाबिरुद्ध युद्ध घोषणा गरेको दुई दिनपछि  जर्मनीले सन् १९१४ को ३ सेप्टम्बरमा फ्रान्सबिरुद्ध पनि युद्ध घोषणा गरेको थियो । दीर्घकालिन रणनीतिसहित तत्कालिन जर्मन सेनाका प्रमुख अल्फ्रेड भोन सिचिलफेनको योजनाअनुसार जर्मनीले रसिया र फ्रान्सबिरुद्ध युद्ध घोषणा गरेको थियो । तयसको केही घन्टापछि फ्रान्सले पनि जर्मनीबिरुद्ध युद्ध घोषणा गरेको थियो ।
 
कतारको स्वतन्त्रता : खाडी मुुलुक कतारले आज नै स्वतन्त्रता पाएको थियो । व्रिटिश शासनको ५५ वर्षपछि ३ सेप्टेम्बर १९७१ मा कतारले स्वतन्त्रता पाएको थियो । कतारले हरेक वर्ष ३ सेप्टेम्बरलाई स्वतन्त्र दिवस मनाउँछ । 
 
पेरिस सन्धीमा हस्ताक्षर : सन् १७८३ मा बेलायत र अमेरिकाबीच पेरिस सन्धीमा हस्ताक्षर भएको थियो ।  हस्ताक्षरसँगै अमेरिकी क्रान्ति सकिएको थियो । सन् १७८२ को प्रारम्भिक सन्धीको जगमा अडेर सम्झौताले अमेरिकी स्वतन्त्रतालाइ मान्यता दिएको थियो ।

इ बेको स्थापना : अनलाइन दुनियाकै चर्चित कम्पनी अमरिकाको बहुराष्ट्रिय व्यापारसम्बन्धी कर्पोरशन हो इ बे। ई बेले बजार र लिलामलगायतका अनलाइनसम्बन्धी विश्वव्यापी व्यापार गर्छ । पाइरी ओमिदयारले सन् ३ सेप्टेम्बर १९५५ मा यसको स्थापना गरेका थिए ।
 
दायाँबाट गाडि चलाउन सुरु :सन् १९६७ देखि स्वीडेनका चालकहरुले सडकमा दायाँबाट गाडि चलाउन थालेका थिए । यसअघि स्वीडेनमा बायाँबाट गाडि चलाइन्थ्यो ।