ताजा अपडेट »

निर्वाचन आयोगद्वारा संसद सचिवालयलाई दल दर्ताको औपचारिक जानकारी

शुक्रबार, ११ भदौ २०७८, १७ : ००
6 Shares

काठमाडौं । निर्वाचन आयोगले पछिल्लो समय आयोगमा दर्ता भएका दुई दलको औपचारिक जानकारी संघीय संसद सचिवालय तथा प्रदेश सभा सचिवालयलाई गराएको छ ।

गत बुधबार नेकपा (एमाले) बाट फुटेको नेता माधवकुमार नेपाल नेतत्वमा नेकपा (एकीकृत समाजवादी) दल र नेता उपेन्द्र यादव नेतृत्वको जनता समाजवादी पार्टी नेपाल (जसपा) बाट अलग भएको नेता महन्थ ठाकुर नेतृत्वको लोकतान्त्रिक समाजवादी पार्टी (लोसपा) निर्वाचन आयोगमा दर्ता भएका थिए ।

संघीय संसद सचिवालयका प्रवक्ता रोजनाथ पाण्डेकाअनुसार निर्वाचन आयोगबाट पत्रको व्यहोरा सहितको औपचारिक जानकारी आज शुक्रबार प्राप्त भएको हो । पत्रको व्यहोरामा संघीय संसद सचिवालय तथा प्रदेश संसद सचिवालयलाई कार्यार्थ उल्लेख गरिएको प्रवक्ता पाण्डेले जानकारी दिए ।

पत्र प्राप्त भएपछि सो दुई दलका लागि संसदीय दलको कार्यालय व्यवस्थापन, गाडी सुविधा तथा अन्य नियमानुसार प्राप्त हुने सुविधा सचिवालयले उपलब्ध गराउने प्रवक्ता पाण्डेले बताए । नेता नेपाल अध्यक्ष रहनु भएको नेकपा (एस), मा ३० सांसद र नेता ठाकुर अध्यक्ष रहनुभएको लोसपामा १४ सांसद रहेका छन् ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।