पश्चिम नवलपरासीको अधिकांस भू-भाग जलमग्न

सुस्ता। लगातार अविरल बर्षाको कारणले पश्चिम नवलपरासीको अधिकांस भुभाग जलमग्न भएको छ । जिल्लाको सरावल गाउँपालिका,प्रतापपुर गाउँपालिका,पाल्हिनन्दन गाउँपालिका,रामग्राम नगरपालिका,सुस्ता गाउँपालिका,बर्दघाट नगरपालिका र सुनवल नगरपालिकाको अधिकांस भुभाग बर्षाको कारणले जलमग्न भएको हो ।

लगातार अविरल बर्षिरहेको बर्षाको पानी निकास नभएको कारणले नै जिल्लाको सदरमुकाम परासी बजार पुर्ण रूपमा डुबानमा परेको छ । झरहि खोलाको सरसफाइ नभएको कारणले गर्दा परासी डुबानमा परेको स्थानीयबासिले बताउँछन् ।

सुस्ता गाउँपालिकाको वार्ड न १ बरुवा बजार पनि यतिखेर पुर्ण रूपमा डुबानमा परेको छ भने त्यहाका स्थानीय ब्यक्तिहरुले आ आफ्नो लत्ताकपडा,खानेकुरा,अतिआवस्यक कागजातहरु लिएर कोटेश्वर मन्दिरको अग्लो स्थानमा बसिरहेका छ्न । घर र पसलहरुमा पानी पसेर डुबान भएपछि के कति क्षति भएको अहिले एकिन गर्न नसकेको सुस्ता १ बरुवाका निवासी निम्स चौधरीले बताए ।

त्यस्तै नेपालको ऎतिहासिक भुमी नारायणी नदि पारीको गाउँ सुस्तामा पनि नारायणीको बहाब बढेर पानी पसेको छ भने त्यहाका स्थानीयबासीहरुको खाद्यान्न,लत्ताकपडा र आवश्यक कागजातहरु सहित ब्यक्तिहरुलाई सशस्त्र प्रहरी र नेपाल प्रहरीले सुरक्षित स्थान तर्फ लगिरहेको सुस्ता बचाउ अभियानका प्रवक्ता रबिन्द्र कुमार जयसवालले जानकारी दिएका छन् ।

जब मनसुन सुरु हुन्छ त्यसपछि हाम्रो निद सबै उडेर जाने गर्छ जहिले पनि नेताहरु आउछन् र अब यो डुबानको समस्या समाधान हुन्छ भनेर जान्छन् तर हाम्रो समस्या भने जिउकोतिउ नै रहेको पाल्हिनन्दन गाउँपालिका वार्ड न १ शंकरपुर बस्ने जितेन्द्र कुमार हरिजनले बताए ।

हरिजनको अनुसार खोलाहरुको सरसफाइ र ड्रेनको सरसफाइ र निकास नभएकै कारणले आफुहरु बर्सेनि डुबानको समस्या भोग्नपरेको बताए ।

बर्षाको पानी निकास नभएर बर्सेनि डुबानको समस्या भोग्न परेको जिल्लाको सदरमुकाम परासी, पाल्हिनन्दन गाउँपालिकाका शंकरपुर,रामपुर खडौना,सरावलको डुबन्तापुर,पुसौली,भुजहवा र प्रतापपुरको वार्ड न ३ र ४, सुस्ताको वार्ड न १ बरुवा र नदिपारीको गाउँ सुस्ता लगायत अन्य स्थानहरु यतिखेर जलमग्न भएको देख्न सकिन्छ ।

पाल्हिनन्दनको झरहि खोला र सरावलको धनेवा खोला सरसफाइ नभएको कारणले सरावल र पाल्हिनन्दनको आधा दर्जन भन्दा बढी गाउँहरु डुबानको पिडा खेप्दै आएको र डुबानको समयले गर्दा उनिहरुले खाद्यान्नको अभाव,खानेपानी,आवतजावत र सर्पको बिगबिगी जस्ता सास्ती भोग्न परिरहेको छ ।सुनवल नगरपालिकाको पनि विभिन्न क्षेत्र डुवानमा परेको छ । सुनवल वडा नम्बर १० नम्बर भुडिया टोल डुवानमा परेको छ । बर्षाका कारण सुनवल नगरपालिकाको वडा नम्बर ३ मा पनि डुवान भएको छ । पुर्व पश्चिम राजमार्ग अन्तरगत सुनवल स्थित तुरियाखोलाको पुल जोखिममा परेको छ । अहिले पुलबाट सवारीसाधन आवतजावतमा रोक लगाईएको छ । पुर्व पश्चिम राजमार्ग विस्तारका क्रममा विभिन्न ठाउँमा बनाईएका डाईभर्सनहरुमा बाढी बगेका कारण यातायत संचालन हुन सकिरहेको छैन ।

यता सुनवल नगरपालिकाको पनि विभिन्न क्षेत्र डुवानमा परेको छ । सुनवल वडा नम्बर १० नम्बर भुडिया टोल डुवानमा परेको छ । बर्षाका कारण सुनवल नगरपालिकाको वडा नम्बर ३ मा पनि डुवान भएको छ । पुर्व पश्चिम राजमार्ग अन्तरगत सुनवल स्थित तुरियाखोलाको पुल जोखिममा परेको छ । अहिले पुलबाट सवारीसाधन आवतजावतमा रोक लगाईएको छ । पुर्व पश्चिम राजमार्ग विस्तारका क्रममा विभिन्न ठाउँमा बनाईएका डाईभर्सनहरुमा बाढी बगेका कारण यातायत संचालन हुन सकिरहेको छैन ।

त्यस्तै बर्दघाट नगरपालिकाको विभिन्न ठाउँहरु पनि डुवानमा परेका छन् । वडा नम्बर ४ को स्मृतिनगरमा रहेको मुसहर बस्ती डुवानमा परेको छ । वडा नम्बर ६ मा पनि डुवान भएको छ । वडा नम्बर १० धुर्वटोल,वार्ड न ११ को विजयपुर, भगजोगनी, गैडाहा, मौराटारी क्षेत्रका बस्ती डुवानमा परेको वडा नम्बर ११ का वडा अध्यक्ष तिर्थराज फौजदारले जानकारी गराए ।

अविरल बर्षाको कारणले जिल्लाको अधिकान्श स्थानहरु डुबानमा परेपछि गएरातीको १ बजे र २१ मिनेट देखि विभिन्न स्थानहरुमा उद्दार कार्यका लागि नेपाली सेना, शसस्त्र प्रहरी र नेपाल प्रहरीका सुरक्षाकर्मीहरु परिचालन गरि उद्दार टोलि खटाएको,डुबानबाट भएको क्षतिको विवरणहरु आइरहेको जिल्ला प्रशासन कार्यालय र जिल्ला प्रहरी कार्यालय परिसर पनि डुवानमा परेको जिल्ला प्रशासन कार्यालय पश्चिम नवलपरासीका प्रमुख धर्मेन्द्र कुमार मिश्रले बताए ।