बुटवल । बिहीबारदेखि निरन्तर परेको अविरल वर्षाका कारणले लुम्बिनी प्रदेशका आधा दर्जन मुख्य सडकहरु अवरुद्ध बनेका छन् । प्रदेश ट्राफिक प्रहरी कार्यालय बुटवलका अनुसार रुपन्देही देवदह नगरपालिका – ९ स्थित घोडाहा खोलामा पुल भासिँदा (पूर्व–पश्चिम) राजमार्ग सडक खण्डमा अवरुद्ध बनेको छ ।
यस्तै नवलपरासी (पश्चिम) बर्दघाट नगर पालिका –१० लण्डनबृज स्थित (पुर्व–पश्चिम) राजमार्ग सडक खण्ड र बासा, भुताहा र सुनवल नगरपालिका – १२ बडेरा स्थित रहेको ड्राईभर्सन बगाएपछि बाटो पूर्ण रुपमा बन्द रहेको छ । यस्तै अर्घाखाँची सितगंगा नगरपालिका – १२ बसेरी स्थित (गोरुसिंगे–सन्धिखर्क) सडक खण्ड, पाल्पा रम्भा गाउँपालिका – ३ सितापहाड स्थित सिद्धार्थ राजमार्ग सडक खण्ड, बर्दिया बासगढी नगरपालिका –१ बबई स्थित (कोहलपुर–सुर्खेत) रत्नराजमार्ग सडक खण्ड, गुल्मी रुरु गाउँपालिका – २ पोखरी बगर स्थित (रिडी –रुद्रबेनी) सडक खण्डमा अवरोध आएको प्रहरीले जनाएको छ।
युनिकोड
मिति रूपान्तरण
ग्लोबल आवाज
प्रतिक्रिया