सिद्धबाबा दुर्घटना : घाइतेहरुको काठमाण्डौंमा उपचार हुँदै

बुटवल । सिद्धार्थ राजमार्ग अन्तर्गतको बुटवल-पाल्पा सडक खण्डमा आज दिउसो भएको सवारी दुर्घटनामा परी घाइते भएकाहरुको थप उपचारका लागि काठमाण्डौं पुर्याइएको छ । घटनामा घाइते भएका ४ जनालाई उपचारका लागि काठमाण्डौंको ह्याम्स अस्पतालमा पुर्याइएको हो ।

पाल्पाको तिनाउ-३ झुम्साबाट बुटवलतर्फ आउँदै गर्दा बा १८ च ७३३६ नम्बरको बोलेरो जीपलाई सडक माथिबाट उछिट्टिइएको ढुङ्गाले लाख्दा दुर्घटना भएको थियो । सिद्धबाबादेखि केहि अगाडि हेडबक्स नजिक भएको दुर्घटनामा परी ५४ वर्षीय बाबुराम पाण्डे, उनका छोरा २७ वर्षीय विनोद पाण्डे, २१ वर्षिय अमित बाण्डे र ३४ वर्षीय गंगा दराई रहेका छन् ।

घाइते भएका अमित अधिवक्ता तथा कानून व्यवसायी महेन्द्र पाण्डेका छोरा हुन् । घटनापछि घाइते भएका उनीहरुलाई बुटवलको लुम्बिनी प्रादेशिक अस्पतालमा ल्याइएकोमा थप उपचारका लागि काठमाण्डौं पठाइएको लुम्बिनी प्रादेशिक ट्राफिक प्रहरी कार्यालयले जनाएको छ । घाइतेहरुको स्वास्थ्य अस्था सुधारोन्मुख रहेको आफन्त तथा तिनाउ-३ अध्यक्ष प्रेम पाण्डेले जानकारी दिए ।

सिद्धबाबातर्फ गुडिरहेकाे जीपमा ढुंगा खस्दा ४ घाइते , एककाे अवस्था गम्भीर