माेटरसाईकलकाे ठक्करबाट प्रहरी निरिक्षक वाग्लेकाे मृत्यु

परासी। पश्चिम नवलपरासीमा रहेको ईलाका प्रहरी कार्यालय बर्दघाटका प्रहरी निरिक्षक कपिल वाग्लेको दुर्घटनाबाट निधन भएको छ। ईलाका प्रहरी कार्यालय बर्दघाट चौकी देखि करिव २ सय मिटर पूर्व राजमार्गमा पैदल हिड्ने क्रममा करिव ८ बजे राती लु १४ प ८७५८ नम्बरको मोटरसाइकलले ठक्कर दिएको र वाग्ले गम्भीर घाइते भएका उनलाइ उपचारको लागी भैरहवा मेडिकल कलेज लगिएको थियो।

वाग्लेलाई ठक्कर दिने मोटरसाईकलमा सवार दिपेन्द्र पुन मगर पनि घाईते भएको ईलाका प्रहरी कार्यालय बर्दघाटले जानकारी दिएको छ। ठक्करदिने मोटर साईकल सवार सुनवल–१ प्रगतीटोलका दिपेन्द्र पुन मगर रहेको र उहांलाई प्रहरीले आफ्नो नियन्त्रणमा लिएको जनाएको छ। दुर्घटनामा परि घाईते हुनुभएका वाग्लेको उपचारका क्रममा हिजो राती १२ बजे भैरहवा मेडिकल कलेजमा निधन भएको हो।