२१ आश्विन २०७९, शुक्रबार

Oct 7, 2022

वि.स. २०६२ सालदेखि विविएस तथा ०६३ सालदेखि विएड कार्यक्रमको सम्बन्धन प्राप्त बुटवल–८ सुख्खानगरमा अवस्थित अक्सफोर्ड कलेजले विद्यार्थीहरुका लागि थप नयाँ कार्यक्रमहरु सञ्चालनमा ल्याएको कलेजले बताएको छ । अक्फोर्ड एकेडेमी अन्तरगतको यस कलेजले स्थापनाकालदेखि नै उत्कृष्ट शैक्षिक गन्तव्यको रुपमा पहिचान बनाउँदै आएको कलेको दाबी छ । संघीय राजधानी पछिको दोस्रो ठूलो शैक्षिक हबका रुपमा विकसित हुँदै गरेको बुटवलन नगरीमा शैक्षिक कार्यक्रमहरु सञ्चालन गर्नका लागि अवसरसँगै चुनौतीहरु समेत थपहुँदै आएका छन् । मुलुक संघियतामा गएसँगै प्रदेश ५ को अस्थाई राजधानी रहेको बुटवलले अब स्थानीय स्तरमा नभई देशको राजधानी काठमाण्डौका शैक्षिक संस्था लगायत ७ वटै प्रदेशसँग प्रतिस्पर्धा गर्नुपर्ने छ । यसै विषयमा रहेर अक्सफोर्ड कलेज बुटवलका प्रमुख मनोज मरासिनीसँग डि.बी. सुस्लिङले गरेको कुराकानी ।

Advertisement

अक्सफोर्ड शैक्षिक गतिविधि के-कसरी सञ्चालन हुँदैछन् ?
झन्डै १५ वर्ष ब्याच्लर लेभलको शैक्षिक यात्रा तय गरिसकेको यस कलेजले विद्यार्थीका लागि थप नयाँ कार्यक्रमहरु सञ्चालनमा ल्याएको छ । विविएस तथा विएडपछि नयाँ कार्यक्रमका रुपमा यस कलेजले प्राविधिक शिक्षातर्फ बिआई एम र बिएचएम कार्यक्रम सञ्चालन गरेका छौं । ८ सय ७५ जना विद्यार्थीले अध्ययन गरिरहेको यस कलेजले शैक्षिक उत्कृष्टतालाई कायम राख्दै थप शैक्षिक सफलताका लागि प्रयासरत छौं ।

स्थानीयस्तरमा भन्दा पनि देशको राजधानी काठमाण्डौंका शैक्षिक संस्थासँग प्रतिस्पर्धा गर्नुपर्ने अवस्था छ नि !
पक्कै पनि मुलुकको राज्य संरचना परिवर्तन भएको छ । प्रदेश–प्रदेश बीचमा शैक्षिक प्रतिस्पर्धा हुने बेला आएको छ । त्यसैले बुटवलका शैक्षिक संस्थाहरुले अब देशकै उत्कृष्ट शैक्षिक गन्तव्य रुपन्देहीलाई बनाउनका लागि कस्सीनुपर्ने बेला आएको छ । दक्ष जनशक्ती र सुविधा सम्पन्न भौतिक वातावरणको व्यवस्था गरेर शैक्षिक कार्यक्रम सञ्चालन गर्नुपर्ने हुन्छ । यसका लागि हामी सधै तत्पर र क्रियाशील छौं । उत्कृष्ट र गुणस्तरीय शिक्षाका लागि विद्यार्थीले अब देशको राजधानी ताक्नुपर्ने बाध्यता छैन, उत्कृष्ट शैक्षिक गतिविधि सञ्चालनका लागि हामी तयार भइसकेका छौं ।

प्राय शैक्षिक संस्थाहरुले आफूलाई उत्कृष्ट भएको स्वघोषणा गर्ने प्रचलन छ नि !
हामीले सस्तो प्रचार र नाम कमाउनका लागि आफूलाई उत्कृष्ट दाबी गरेका छैनौ । विगतमा यस शैक्षिक संस्थाले प्राप्त गरेका शैक्षिक उपलब्धीहरुलाई मूल्याङ्कन गरेर नै यस क्षेत्रमा अक्सफोर्ड कलेज उत्कृष्ट शैक्षिक संस्था हो भनेका हौं । विगतमा यस कलेजका विद्यार्थी बिमाकुमारी सापकोटाले शिक्षा संकायमा नेपाल टप भएकी थिइन् । त्यसैगरी व्यवस्थापन संकायमा अप्सरा भुझेल नेपाल दोस्रो हुन सफल भइन् । यी उदाहरणहरुले पनि हाम्रो स्तर निर्धारण गरेको छ । अक्सफोर्ट कलेज एक शैक्षिक संस्था नभएर उत्कृष्ट ब्राण्डको रुपमा परिचय बनाउन सफल भइसकेको छ ।

देशका उत्कृष्ट र अब्बल भनिएका प्राय शैक्षिक संस्थाहरु महँगो हुने गर्छन, अक्सफोर्ड कस्तो कलेज हो ?
स्वभाविक रुपमा आम शैक्षिक संस्था भन्दा केही महँगो हुन सक्छ । प्रविधि युक्त कक्षा कोठा, राष्ट्रिय तथा अन्तराष्ट्रिय स्तरमा ख्यातिप्राप्त शैक्षिक व्यक्तित्वहरुबाट पठन-पाठन लगायत कारणले गर्दा केही महँगो हुनु स्वभाविक हो । शिक्षा ब्यापार होइन, सेवा हो भन्ने हामीले बुझेका छौ, नाफा कमाउने भन्दा भढी हामी शैक्षिक गुणस्तर कायम गर्ने र स्तरीय सेवा प्रदान गर्ने कुरामा केन्द्रीत भएका छौ ।

स्नातक तहको भर्ना चलिरहेको छ, यस समयमा विद्यार्थी तथा अविभावकलाई तपाईको के सन्देश छ ?
अविभावकहरुको विश्वास, विद्यार्थीहरुको मेहनत र हाम्रो सही व्यवस्थापनका कारण नै हामी यो ठाउँमा आउन सफल भएका हौं । उहाँहरुले जति हामीलाई विश्वास गर्नुभएको छ, आगामी दिनमा पनि विश्वास पाईराख्न यस कलेजका सबै शैक्षिक गतिविधिहरुलाई थप परिमार्जित र परिस्कृत गर्दै उत्कृष्टता हासिल गर्नेतर्फ अग्रसर हुने छौं । गुणस्तरीय शिक्षाका लागि राजधानी ताक्नुपर्ने बाध्यता अन्त्य भएको छ, काठमाण्डौंका शैक्षिक संस्थाहरुले दिने शैक्षिक गुणस्तर हामीले पनि दिन सक्छौ त्यसैले राजधानी ताक्ने मनस्थिति बदल्न विद्यार्थीहरुलाई आग्रह गर्न चाहान्छु । अक्सफोर्ड मात्र होइन अन्य थुप्रै शैक्षिक संस्थाहरु पनि राजधानीको जत्तिकै स्तरीय शैक्षिक गतिविधि सञ्चालन गर्न सक्ने भइसकेका छन् । सबै अविभावक तथा विद्यार्थीलाई फेरीपनि भन्न चाहान्छु, राजधानीको सपना अब बुटवलमै पुरा हुन्छ ।

प्रतिकृया दिनुहोस्

Flash News

भेरी नदीमा खतराको तह पार उम्मेदवारी दर्ता गराउनु पर्ने भन्दै कांग्रेसको चियापान स्थगित झाडापखाला, हैंजा र डेंगुबाट बच्न आग्रह नारायणी नदीको बाढी सुस्ता बस्तीमा पस्न सुरु नेपाल प्रहरीका असई भारतीय भूमिमा मृत फेला बारा बस दुर्घटनाः मृतकको संख्या १८ पुग्यो, सबैको सनाखत दशैं मनाउन बुटवल लगाएतबाट गएका गाउँमै रोकिए वर्षाले दाङमा घर भत्कियो अब चन्द्रमामा बिरुवा उब्जनी गर्ने बुटवल-पाल्पा सडक अवरुद्ध, पुर्व-पश्चिम राजमार्ग विद्युत पोल ढलेर रोकियो काठमाडौंको चन्द्रागिरिमा पहिरो : एकै परिवारका तीनजनाको मृत्यु आज पनि लुम्बिनीसहित चार प्रदेशमा भारी वर्षा अम्बानी परिवारलाई मार्ने धम्की दिने व्यक्ति पक्राउ राप्तीको बाढीले तीन सयभन्दा बढी घर डुबायो अक्षर चिन्दै आमाहरु, अब कसैको सहारा लिनु पर्दैैन १६ जनाको मृत्यु , ३३ घाइते भएको बारा बस दुर्घटना: बसको ब्रेक फेल भएपछि चालक हाम फालेका थिए बलात्कार आरोपी प्रहरी निरीक्षकलाई छुटाउन भरत शाहसहित कांग्रेस नेता सक्रिय बारा बस दुर्घटना : मृतक १६ मध्ये १४ को पहिचान खुल्यो (नामावलीसहित) ४० प्रतिशत हिस्सा दिनु पर्ने कोइराला समुहको ठहर गण्डक ब्यारेजका ३६ वटै ढोका खोलियो, सतर्क रहन आग्रह