७ जेष्ठ २०७९, शनिबार

May 21, 2022

रुपन्देहीको भैरहवास्थित गौतमबुद्ध अन्तराष्ट्रिय विमानस्थल निर्माण अझैपनि सम्पन्न भएको छैन । बहुप्रतिक्षित अन्तराष्ट्रिय विमानस्थल निर्माण समयावधी नाघेपछि पनि पटक–पटक म्याद थपिँदै आएको छ । गौतम बुद्ध क्षेत्रीय अन्तर्राष्ट्रिय विमानस्थल सञ्चालनका लागि नागरिक उड्डयन प्राधिकरण गृहकार्यमा जुटेको छ । पछिल्लो समय परीक्षण उडानको तयारी भनेर सरकारी समाचार स्रोतले भनेतापनि यसका लागि केही समय लाग्ने देखिन्छ ।

Advertisement

अन्तराष्ट्रिय विमान स्थल निर्माण र उडान हुने विषयले चौतर्फी ध्यान अन्तराष्ट्रिय विमान स्थल र उडानमा केन्द्रित छ । तर, वर्षौदेखि सोही विमान स्थलबाट घरेलु उडान भइरहेको र त्यसको हालको अवस्था बारे भने चिन्ता र चासो न्यून छ । अन्तराष्ट्रिय विमानस्थलको सम्पन्नता र उडानको प्रतिक्षासँगै चर्चा भइरहेको अवस्थामा घरेलु उडानको अवस्था र उडानबारे गौतम बुद्ध अन्तराष्ट्रिय विमानस्थल नागरिक उड्डयन कार्यालय, सिद्धार्थनगरका निमित्त महाप्रबन्धक प्रेमनाथ ठाकुरसँग ग्लोबल आवाजका लागि गरिएको कुराकानी :

परीक्षण उडानको तयारी अन्तिम चरणमा भनिएको छ । निर्माणाधिन अन्तराष्ट्रिय विमान स्थलको अवस्था कस्तो छ ?
–निर्माण कार्य जारी छ । पूर्ण रुपमा निर्माण सम्पन्न हुन त अलि समय लाग्ला । तर, परीक्षण उडानका लागि पनि अझै केहि समय लाग्छ । निर्माण सम्पन्न भएतापनि नियमित उडानका लागि विभिन्न प्रक्रियाहरु पूरा गर्नुपर्दछ । त्यसको लागि समय अवश्यनै लाग्छ । परीक्षण उडानका लागि विभिन्न प्रक्रिया र तयारी आवश्यक हुन्छ । परीक्षण मात्रै गरौं भन्ने हो भने त आन्तररिक उडानका संरचनाको सहारामा पनि हुन्छ । तर, नयाँ तथा अन्तराष्ट्रिय स्तरको रन वे, टावर र स्थलबाट उडान गर्नका लागि विशेष निर्माण, तयारी र प्रक्रिया लाग्छ । जुन तुरुन्तै गर्न सजिलो छैन ।

चर्चा अन्तराष्ट्रिय स्तरको भइरहँदा आन्तरिक विमानस्थलको अवस्था कस्तो छ ?
–नेपाल नागरिक उड्डयन प्राधिकरण, सरकार, सरोकारवाला सबैको ध्यान अन्तराष्ट्रिय विमान स्लथल र उडानतर्फ केन्द्रित रहेको छ । जसले गर्दा आन्तरिकको अवस्था र उडानका विषयहरु भने ओझेलमा परेका छन् । नयाँ निर्माण भइरहँदा पुरानो संरचना र अवस्था बारे चासो र सक्रियता भने देखिएको छैन । जसले गर्दा पुरानो संरचना जिर्ण बन्नुका साथै स्तरोन्नती भएको छैन ।

अन्तराष्ट्रिय स्तरको विमान स्थल निर्माणका संरचना हुँदा सुरक्षा चूनौती पनि छ । विभिन्न स्थानबाट आएका मजदूर र निर्माणमा खटिने साधनका कारण पनि सुरक्षा चूनौती छ । घरेलु विमान स्थल र संरचनाको अवस्था भन्नुपर्दा धेरै मर्मत, सुधार र स्तरोन्नती गर्नुपर्ने छ । अझै अन्तराष्ट्रिय स्तरको विमान स्थल बनिरहँदा त्यसैसँग जोडिएको घरेलु स्थललाई पनि सोही अनुसारको नबनाइने हो भने त्यसले स्थानीय, राष्ट्रियसँगै अन्तराष्ट्रिय स्तरमा पनि गलत सन्देश जानेछ । तसर्थ घरेलु विमान स्थलमा पनि विशेष ध्यान दिन आवश्यक छ ।

घरेलु विमानस्थलका संरचना र अवस्थामा सुधार गर्नुपर्ने छ भन्नुभयो । के-कस्ता समस्या तथा कमजोरीहरु रहेका छन् ?
–धेरै समस्याहरु र केही कमजोरीहरु छन् । पहिलो कुरा त पार्किङको समस्या छ । हेलिकप्टरका लागि हामी संग हेलिप्याड छैन । जम्मा ४ वटा विमान पार्किङ गर्ने पार्किङ स्थल छ । यहाँबाट अब भरतपुर र पोखराका लागि पनि उडान थपिएका छन् । पार्किङ स्थल थोरै भएको हुँदा भोलि समस्या हुन सक्छ । अहिलेनै हामीले मिलाएर ७ वटासम्म राख्ने गरेका छौं । यदि विस्तार गरिएन भने विमान पार्किङमा थप समस्या आउन सक्छ । त्यसैगरी जनशक्तिको पनि अभाव छ । अहिले विमान स्थलभित्र १६÷१७ जना मात्रै कर्मचारी छौं । उडान बढेका छन्, यात्रुको संख्या बढ्दो छ । तर, आवश्यकता अनुसारको कर्मचारीको कमी छ । त्यस्तै गाडी पार्किङ स्थल पनि सानो छ । यात्री, निजी र सार्वजनिक सवारी साधनका लागि पार्किङ क्षेत्र थोरै छ । विमान स्थलका कर्मचारीका लागि व्यवस्थित चमेना गृहको अभाव छ । यी समस्या लगाएत विमान स्थलमा मर्मत, सुधार र संरचनाको स्तरको आवश्कता छ ।

कोरोनाको समयमा यातायात क्षेत्र निकै प्रभावित भयो । हवाई यातायात र भैरहवा विमान स्थलमा के-कस्तो प्रभाव पर्यो?
–विश्वव्यापी रुपमा फैलिएको कोरोना महामारीले विश्वकै अवस्थालाई असर गर्यो त्यसको प्रत्यक्ष असर यातायात क्षेत्रमा पनि परेको छ । तर, तुलनात्मक रुपमा अन्य यातायात भन्दा हवाई यातायातमा फरक छ । महामारीमा केहि समय बाहेक सडक यातायात जस्तो हवाई यातायात ठप्प रहेनन् । अर्कोतर्फ सडक यातायात जस्तो आन्तरिक उडानको समय लामो नहुँदा जोखिम पनि कम छ । यहाँबाट हुने उडानमा खासै कमी आएन । त्यसैगरी यात्रुहरुको संख्या बढ्दो छ । सडक यातायात नचल्दा वा चलेपनि र हाल बाढी पहिरोका कारण हुने अवरुद्धले गर्दा हवाई सवार गर्ने यात्रुहरुको संख्या बढ्दो छ ।

हाल कसरी उडान सञ्चालन गर्नुभएको छ ?
–अहिले उच्च सतर्कताका साथ उडान सञ्चालन गरिरहेका छौं । यहाँबाट यति एअरलाइन्स, सौर्य एअरलाइन्स, श्री एअरलाइन्स, बुद्ध एअर का दैनिक १६÷१७ वटा उडान भइरहेका छन् । विमान स्थल प्रवेशमा स्वास्थ्य सावधानी अपनाएका छौं । त्यसैगरी विमान स्थलभित्र सेनिटाइज र मास्क अनिवार्य गरेका छौं । एअरलाइनहरुले पनि फेसशिल्डको व्यवस्था गर्दै आएका छन् ।

संक्रमणबाट बच्न र सावधानी अपनाउन हामीले विभिन्न कम्पनीका जाहाजको अनुगमन र निगरानी पनि गरेका छौं । उडान र यात्रुका लागि सरकार र प्राधिकरणबाट निर्देशिका पनि प्राप्त भएको छ । छोटा दूरी र समयमा यात्रा पूरा हुनेहुँदा पनि आन्तरिक उडान संक्रमण फैलने सम्भावना कम हुन्छ । त्यसैले हालसम्म हाम्रो उडानका यात्रीमा संक्रमण देखिएको छैन । यदि लक्षण देखिएमा विमान स्थल बाहिरबाटै फिर्ता गर्ने गरेका छौं ।

सिद्धार्थ गौतमबुद्ध विमानस्थलबाट उडान गर्ने कम्पनीले भुक्तान गर्ने र समग्र विमान स्थलको आर्थिक अवस्था कस्तो छ ?
–यहाँबाट उडान भर्ने एअर कम्पनीहरुले तिनुपर्ने भुक्तान करिब नियमित र पूर्ण रुपमा नै छ, बाँकी वक्यौता लामो र धेरै छैन। विमान स्थलको वार्षिक आम्दानी ७/८ करोड देखिन्छ । नियमित रुपमा आम्दानी गर्ने विमान स्थलमा सरकार र प्राधिकरणको ध्यान भने कम छ । साथै यसको सञ्चालन र स्तरोन्नतीमा पनि सक्रियता कम छ ।

तपाइँ लगाएत विमानस्थलको पदाधिकारीहरुले के-कस्ता पहलहरु गर्नु भएको छ ?
–हामी हाम्रो जिम्मेवारी अनुसार नै विमान स्थल र उडानलाई व्यवस्थित र चुस्तदुस्त रुपमा सञ्चालन गर्ने प्रयास अनुसारनै काम गरेका छौं । चुहिने टर्मिनल मर्मत, बाहिर नयाँ सुरक्षा पोष्ट स्थापनासँगै विमान स्थलमा देखिएको संक्रमण र सुरक्षा चूनौतीलाई सामना गर्न उच्च सावधानी अपनाउँदै पार्कङ र क्यान्टिन निर्माणमा पनि अगाडि बढेका छौं । त्यसैगरी विमान स्थलमा रहेका कर्मचारी, सुरक्षाकर्मी, विभिन्न कम्पनीका कर्मचारी लगाएतलाई खोपको व्यवस्था पनि गरेका छौं । करिब ८० प्रतिशतले खोप लगाउनु भएको छ । अन्यका लागि स्वास्थ्य कार्यालय तथा जिल्ला प्रशासनमा पत्रचार गरेका छौं ।

प्रतिकृया दिनुहोस्

Flash News

मकवानपुर दुर्घटना अपडेट : मृतक संख्या चार पुग्यो भरतपुरमा रेनुले लिइन् ६६६६ मतान्तरको अग्रता मकवानपुरमा जिप दुर्घटना : तीन जनाको मृत्यु, पाँच जना घाइते भलवारी जेसीजद्वारा मुस्ताङको जन-नर्मल माध्यमिक विद्यालयलाई आर्थिक सहयोग पश्चिम नवलपरासीको बर्दघाटमा बस दुर्घटना, ३१ जना घाईते स्थापितलाई उछिनेर सिर्जना दोस्रो स्थानमा, बालेन अग्रस्थानमा नै ८ वर्ष अघि सौन्दर्य प्रतियोगीलाई बलात्कार गरेको आरोपमा मनोज पाण्डे पक्राउ जिल्ला समन्वय समिति गठनका लागि अर्घाखाँचीमा एमालेकाे स्पष्ट बहुमत रुपन्देहीको भैरहवाबाटै श्रम स्विकृति दिने तयारी काठमाडौंमा ५१ प्रतिशत मतगणना गर्न बाँकी, बालेनको निरन्तर अग्रता बुटवलको प्रमुखमा गठबन्धनबाट पाण्डे, उपप्रमुखमा एमालेकी अर्याल मनास्लु हिमालको वेसक्याम्पमा सेनाद्वारा सफाई अभियान शुरु, ४ हजार किलो बढी फोहर संकलन पदबहालीसँगै जनतालाई राहत भन्दै विद्युत महसुलमा छुट बालेन शाहले कटाए ३४ हजार मत, स्थापितसँगको मतान्तर १५ हजार बढी अमेरिकाको शिकागोमा बन्दुक हमला, कम्तीमा २ जनाको मृत्यु बलात्कारीलाई तत्काल कारबाही गर्न माग गर्दै काठमाडौंमा विरोध प्रदर्शन हेटौंडा उपमहानगरपालिका : एमाले ९, कांग्रेस ८, एस र माओवादी एक/एक वडामा विजयी डोटी बस दुर्घटना : १२ जना घाइते, ५ को अवस्था गम्भीर, बालक बेपत्ता उपमहानगरको पहिलो महिला मेयरमा इतिहास रचेकी लामा विद्यार्थीलाई यौन दुब्र्यवहार गर्ने गुल्मीका २ शिक्षक पक्राउ