२१ आश्विन २०७९, शुक्रबार

Oct 7, 2022

फाइभजी इन्टरनेट अहिले प्रविधि जगत्मा चर्चा र चासोको विषय बनेको छ । चीन, अमेरिका, दक्षिण कोरियालगायत केही देशमा त यसको आंशिक प्रयोग शुरू भइसकेको छ । गत शुक्रवार मात्र चिनियाँ कम्पनी हुवावेईले शन्चन शहरमा फाइभजी फोनको व्यावसायिक प्रयोग थालेको छ । 

Advertisement

विश्वभर नै फाइभजी इन्टरनेट सेवा विस्तारका प्रयास हुँदै गर्दा यसले सम्बन्धित मुलुकको राष्ट्रिय सुरक्षा र सामाजिक जनजीवनमा पार्ने असरबारे पनि बहस हुन थालेको छ । फाइभजीको प्रयोग गर्दा प्रयोगकर्ताले चाहिँ कस्तो समस्या बेहोर्नुपर्ला त ? यहाँ तिनै विषयमा चर्चा गरिएको छ :

१. महँगा स्मार्टफोन
अहिले बजारमा उपलब्ध फाइजभी स्मार्टफोनको खरीद तुलनात्मक रूपमा निकै महँगो पर्छ । यसमा प्रयोग गरिने विशेष किसिमको मोबाइल चिप्सका कारण मूल्य आकाशिएको हो । साथै यसका लागि आवश्यक अन्य केही फिचर्सले पनि यसको मूल्य बढाएको छ । यसले पनि फाइभजी स्मार्टफोन किन्न सर्वसाधारण प्रयोगकर्तालाई मुश्किल पर्छ । यस्तोमा केही स्मार्टफोन निर्माताले सस्तो फाइभजी फोन ल्याउने तयारी पनि गरिरहेका छन् । यद्यपि सबैले प्रयोग गर्न सक्ने स्मार्टफोन आउन अझै केही समय लाग्ने देखिएको छ ।

२. महँगो शुल्क
फाइभजी चल्न सक्ने स्मार्टफोन मात्र नभई फाइभजी इन्टरनेटको शुल्क पनि महँगो पर्ने अनुमान गरिएको छ । अहिले चलाइरहेको इन्टरनेटको तुलनामा फाइभजी इन्टरनेट महँगो भएमा यो धेरैको पहुँचमा हुनेछैन । 

३. ब्याट्री खपत
फाइभजी इन्टरनेट प्रयोगको अर्को समस्या ब्याट्रीको खपतमा पनि हुनेछ । फाइभजीले फोरजीको तुलनामा बढी चार्ज खपत गर्छ, जसकारण स्मार्टफोनमा ब्याट्री नटिक्ने समस्या आउन सक्छ । किनकि विभिन्न स्मार्टफोनमा गरिएको अध्ययनको क्रममा फाइभजीले ब्याट्री खपत बढी गर्ने गरेको पाइएको थियो ।

४. छिट्टै स्मार्टफोन तात्ने
वैज्ञानिकहरूले गरेको एक अनुसन्धानमा फाइभजीको प्रयोगले मोबाइल धेरै तात्ने पाइएको थियो । फोरजीको तुलनामा फाइभजी इन्टरनेटको सिग्नलको कारण यस्तो समस्या देखिएको हो । केही कम्पनीहरूले हाई–फ्रिक्वेन्सी एमवेब स्पेक्ट्रमको प्रयोग गर्ने गरेका छन् । यसले स्मार्टफोन अत्यधिक तात्ने समस्या आउन सक्छ ।

५. पूर्ण विकास हुनै बाँकी
विकसित र प्रविधिमा अगाडि देखिएका देशमा अहिले फाइभजीको विकास तथा विस्तार तीव्ररूपमा भइरहेको छ । तर विश्वव्यापी रूपमा यसका पूर्वाधार भने तयार भइसकेका छैनन् । फाइभजीको परीक्षण शुरू भएकै मुलुकमा पनि पूर्णरूपमा यसका पूर्वाधार बनिसकेका छैनन् । नेपालको सन्दर्भमा अहिले फोरजी नै देशभर पुग्न सकेको छैन । अहिले भएका टेलिकम पूर्वाधार फाइभजी चलाउने क्षमताका पनि छैनन् । त्यसैले फाइभजी इन्टरनेट प्रयोग गर्न हामीले अझै केही वर्ष कुर्नुपर्ने हुन्छ ।-एजेन्सी

प्रतिकृया दिनुहोस्

Flash News

बाढी र पहिरोले गुल्मीमा ६ घरका २० जना विस्थापित प्युठानमा पहिरोले घर बगाउँदा ६ जना बेपत्ता राप्ती नदीको सतह उच्च, सुरक्षित स्थान जान आग्रह एमाले उम्मेदवार धमाधम सार्वजनिक हुँदै खोलामा बगेर महिला वेपत्ता यस्त छन् उम्मेद्वारले गर्नुपर्ने स्वघोषणा लेक लागेर श्रीमान्‌को मृत्यु, श्रीमती बेपत्ता महिला एसिया कप : पाकिस्तानद्वारा भारत पराजित ‘सम्भावना खाडीमा होइन, झाडीमा’ यस वर्षको नोबेल शान्ति पुरस्कार एक व्यक्ति र दुई संस्थालाई निरन्तर वर्षा, बाढी र पहिरो : सतर्क बनौं, सुरक्षित हौं फिफा वरीयतामा नेपालको सुधार गाउँघरमा सुनिन छाड्यो नगराको धुन भेरी नदीमा खतराको तह पार उम्मेदवारी दर्ता गराउनु पर्ने भन्दै कांग्रेसको चियापान स्थगित झाडापखाला, हैंजा र डेंगुबाट बच्न आग्रह नारायणी नदीको बाढी सुस्ता बस्तीमा पस्न सुरु नेपाल प्रहरीका असई भारतीय भूमिमा मृत फेला बारा बस दुर्घटनाः मृतकको संख्या १८ पुग्यो, सबैको सनाखत दशैं मनाउन बुटवल लगाएतबाट गएका गाउँमै रोकिए