काठमाडौँ । अविरल वर्षापछिको पहिरोमा परेर धादिङमा २ जनाको मृत्यु भएको छ । प्रहरी स्रोतका अनुसार पृथ्वी राजमार्ग अन्तर्गत बेनीघाट रोराङ गाउँपालिका १०, तिघरन खानीमा खसेको पहिरोले पुरिँदा ना ८ ख ४५४० नम्बरको ट्रकमा रहेका चितवनका अन्दाजी १८ वर्षीय बिरबल प्रजा र ना ७ ख ३२० नम्बरको कन्टेनरमा सवार भारतकी ४३ वर्षीया सोनी देवीको मृत्यु भएको हो ।
ट्रकमा रहेका प्रजाको घटनास्थलमै मृत्यु भएको हो भने सोनीको पोखरास्थित गण्डकी अस्पतालमा उपचारको क्रममा मृत्यु भएको हो । पहिरोले पुरेर केही घाइते भएका छन् । पहिरोले पाँच वटा सवारी साधनसमेत पुरिएका छन् । यसै गरी निरन्तरको वर्षासँगै पहिरो खस्दा नारायणगढ–मुग्लिन सडक खण्ड तीन दिनदेखि अवरुद्ध हुँदै आएको छ । बिहिबार र शुक्रबार केही समय सडक खुलाउन सकिएपनि अन्य समय पहिराले सडक अवरुद्ध रहेको छ । ठूलो सङ्ख्यामा सवारीसाधनमा आएका यात्रुहरु सडकमानै बिचल्लीमा परेका छन् ।
युनिकोड
मिति रूपान्तरण
ग्लोबल आवाज
प्रतिक्रिया