इटाली सेमिफाइनलमा, बेल्जियम बाहिरियाे

काठमाडौँ । इटाली यूरोपेली च्याम्पियनसिप २०२० को सेमिफाइनलमा प्रवेश गरेको छ । गएराति भएको दोस्रो क्वाटरफाइनलमा बेल्जियमलाई २-१ले पाखा लगाउँदै इटालीले अन्तिम चारको यात्रा तय गरेको हो ।

खेलको ३१ औं मिनेटमा निको बरेल्लाले गोल गर्दै इटालीलाई सुरुवाती अग्रता दिलाए । ४४ औं मिनेटमा लोरेन्जो इन्सिग्नेले इटालीको अग्रता दोब्बर पारे । त्यसपछि पहिलो हाफको इन्जुरी समयमा रोमेलु लुकाकुले पेनाल्टीमा गोल गर्दै बेल्जियमलाई २-१ को अवस्थामा ल्याए । इटालीका डी लोरेन्जोले डोकुलाई पेनाल्टी क्षेत्रभित्र लडाएपछि रेफ्रीले पेनाल्टी दिएका थिए । त्यसपछि दोस्रो हाफमा थप गोल हुन नसकेपछि इटाली २-१ले विजयी हुँदै सेमिफाइनलमा स्थान पक्का गरेको छ ।

यस जितसँगै इटालीले ३२ खेलमा अपराजित रहने टिमको कीर्तिमान समेत बनाएको छ । इटालीले अब सेमिफाइनलमा स्पेनको सामना गर्नेछ । स्विट्जरल्यान्डलाई टाइब्रेकरमा ३(१ ले पराजित गर्दै स्पेन सेमिफाइनलमा प्रवेश गरिसकेको छ ।