लुम्बिनी प्रदेशमा ४७ हजारले जिते कोरोना

बुटवल । लुम्विनी प्रदेशको स्वास्थ्य निर्देशनालयको जेठ ४ गतेसम्मको तथ्यांक अनुसार करिब ४७ हजार संक्रमितले कोरोना जितेका छन् । तथ्यांक र संख्या अनुसार लुम्बिनी प्रदेशमा कोरोना जित्ने करिब ७२ प्रशित रहेका छन् । स्वास्थ्य निर्देशनालयले जारी गरेको तथ्यांकमा हालसम्म लुम्बिनी प्रदेशका विभिन्न जिल्लाहरुबाट कोरोना जित्नेहरुको संख्या ४६ हजार ५२५ जना रहेको छ । जुन ७१.८० प्रतिशत हो ।

हाल लुम्बिनी प्रदेशमा सक्रिय संक्रमितको संख्या १७ हजार १३० जना रहेको छ । प्रदेशमा सबैभन्दा बढी संक्रमित रुपन्देहीमा रहेका छन् भने रुकुमपूर्वमा न्यून छन् । त्यसैगरी बाँके ,दाङ्ग,कपिलबस्तु,बर्दिया बढी संक्रमित रहेका जिल्ला हुन् । त्यस्तै लुम्बिनी प्रदेशमा हाल(४गते)सम्म ११ सय ४७ संक्रमितले ज्यान गुमाएका छन् । यो कुल संक्रमितमा १.४७ प्रतिशत हो । मृत्यु हुनेमा पुरुषको संख्या धेरै छ । ३९३ महलिाको र ७५४ जना पुरुषको मृत्यु भएको छ । रुपन्देही ,बाँके र दाङ्गमा मृत्युदर बढी छ । हालसम्म रुपन्देहीमा ३६२ , बाँकेमा २३३ र दाङ्गमा १५४ जनाको मृत्यु भएको छ ।