बुटवलमा थप ५ जनाको कोरोनाबाट मृत्यु

बुटवल । लुम्बिनी प्रादेशिक अस्पतालले सञ्चालनमा ल्याएको कोरोना विशेष अस्थायी अस्पतालमा ५ जनाको ज्यान गएको छ । ५० देखि ६० वर्ष उमेर समुहका ५ जनाको ज्यान गएको अस्पतालका प्रवक्ता डा विष्णु गौतमले जानकारी दिए ।अस्पतालमा १ कोरोना नेगेटिभ आएका ब्यक्तिको पनि ज्यान गएको छ । कोरोना पोजेटिभ भएर उपचार गराउँदै आएका ब्यक्तिको रिपोर्ट नेगेटिभ आएपनि उपचार गराईरहेको अस्पतालले जनाएको छ ।मृत्यु भएका सबैमा कडा खालको लक्षण देखिएको अस्पतालले जनाएको छ । मृत्यु हुने मध्यमा एक रुपन्देहीका पत्रकार हिक्मत चौधरी समेत हुन् ।

अस्पतलामा हालसम्म १ सय जना बढिको उपचारकै क्रममा मृत्यु भएको अस्पतालले जनाएको छ । अस्पतालमा आईशियुमा १५, एचडियुमा १५, ईमरजेन्सीमा ४५, ६ जना फिवर क्लिनीक र १२ जना वार्डमा गरि ९३ जना कोरोना संक्रमितको उपचार भईरहेको अस्पतालले जनाएको छ ।