ताजा अपडेट »

अक्सिजन अभियानलाई सहयोग गर्ने अवधि जेठ १० सम्म

मंगलबार, ०४ जेठ २०७८, २० : ४२
2 Shares

गुल्मी । नेपाल पत्रकार महासंघ गुल्मी शाखाको अक्सिजन अभियानलाई सहयोग गर्ने अवधि जेठ १० गते सम्म हुने निर्णय भएको छ । मङ्गलबार शाखाको कार्यालय सदरमुकाम तम्घासमा बसेको बैठकले यस्तो निर्णय गरेको हो । बैठकले हालसम्म सहयोग गर्ने सहयोगदाताहरुलाई धन्यवाद ज्ञापन गर्दै अक्सिन प्लान्ट अभियानलाई सहयोग गर्न चाहानेलाई जेठ १० गते सम्मका लागि अवधि तोकेको छ ।

नेपाल पत्रकार महासंघ गुल्मीका अध्यक्ष टोपलाल अर्यालद्वारा जारी विज्ञप्तीमा बैशाख २५ गतेदेखि सुरु भएको अभियान जेठ १० गतेसम्म जारी राख्ने उल्लेख गरिएको छ । यस अवधिमा सहयोग गर्न इच्छुक तथा सहयोग रकम घोषणा गरेका तर पठाउन बाँकी सबैले अविलम्ब पठाउनुहुन हार्दिक अनुरोध समेत गरिएको छ । संकलित सहयोग रकम उदेश्य अनुरुप नै खर्च गरिने सबै हिसाब–किताब पारदर्शी रुपमा प्रकाशित गरिने विज्ञप्तिमा उल्लेख छ ।

अक्सिजन प्लान्ट स्थापनाका लागि सरकारी निकायको खरिद प्रक्रियाबाट हुने बिलम्ब प्रति महासंघ, अभियान्ता, सहयोदाता र सरोकरवालाको चिन्ता र चाँसो रहेको छ । प्लान्ट निर्माणमा छलफल र समन्वय नेपाल पत्रकार महासंघले गरिरहेको कुरा विज्ञप्तीमा उल्लेख गरिएको छ । जुन सरकार, तह, निकाय र संघ संस्थाले प्लान्ट स्थापना गरेपनि सबै उदेश्य जिल्लामा अक्सिजन सुनिश्चितता नै हो । सर्वदलिय छलफल र सरोकारवालाको सल्लाह बमोजिम ‘अक्सिजन प्लान्ट अभियान’ सुरु गरिएको हो । जसलाई दलहरुले स्वागत गरे, गुल्मी उद्योग बाणिज्य संघ, चेम्बर लगायतका संघसंस्थाहरुले ऐक्यवद्धता जनाएर सहयोग संकलनमा जुटे । पछिल्ला दिनहरुमा नागरिक स्तरबाट स्वतस्फूर्त सहयोग संकलन भइरहेको विज्ञप्तीमा उल्लेख छ ।

‘यस अभियानमै ऐक्यवद्धता जनाउँदै जेठ ३ गते परराष्ट्र मन्त्री प्रदिप ज्ञवालीको पहलमा प्लान्टको लागि संघिय सरकारबाट १ करोड बिनियोजन भएको छ । पूर्व मन्त्री गोकर्ण बिष्ट, कांग्रेस नेता चन्द्र भण्डारी लगायतले सहयोग जुटाउने प्रतिवद्धता व्यक्त गरेका छन् । अहिलेसम्म महासंघ मात्रैले ५० लाख बढि आर्थिक संकलन गरेको छ । अभियानमा सहयोग गर्ने आम नागरिक, १० लाख सहयोग गर्ने जिल्ला समन्वय समिति, उद्योग बाणिज्य संघ, चेम्बर अफ कमर्श, संघ÷संस्था, शिक्षक, कर्मचारी, स्वास्थ्यकर्मी लगायत सवैलाई हार्दिक धन्यवाद दिन चाहान्छौं ।’ विज्ञप्तीमा उल्लेख छ ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।