ड्यूटीमै रहेका प्रहरीलाई ठक्कर दिई फरार २ ट्रक पक्राऊ

बुटवल । रुपन्देहीको कञ्चन गाउपालिकामा पहिचान नखुलेको गाडीले प्रहरी हवलदार कर्ण बहादुर बुढा मगरलाई ठक्कर दिई फरार भएको भनिएको गाडीको पहिचान खुलेको छ। ट्राफिक चेकिंगको क्रममा गत बैसाख ३० गते राति इलाका प्रहरी कार्यलय,रुद्रपुरमा कार्यरत प्रहरी हवलदार कर्ण बहादुर बुढा मगरलाई ठक्कर दिई घटनास्थलमै मृत्यु गराई फरार भएको थियो । उक्त गाडी खाद्यान्न लिई दाङ्गतर्फ जाँदै गरेको ना ६ ख ३३२९ र ना ६ ख ३३३० नम्वरका दुई ट्रकहरुको पहिचान भएको इलाका प्रहरी कार्यलय,रुद्रपुरले जनाएको छ ।

बैसाख ३० गते राति २ बजेको समयमा लुम्बिनी फायरलाइन सडक भएर आवत–जावत गरेका सवारी तथा मालवाहक साधनहरुको कञ्चनका मुख्य स्थानहरुमा राखिएका सिसिटिभी क्यामेराले लिएका फुटेजहरुको सहायतामा गरिएको अनुसन्धानबाट ती फरार भएका गाडीहरुको पहिचान भई प्रहरीको नियन्त्रणमा लिइएको इलाका प्रहरी कार्यलय,रुद्रपुर र इलाका प्रहरी कार्यालय,सालझण्डीले जनाएका छन् । दुबै प्रहरी कार्यालयको संयुक्त अनुसन्धान टोलीले घटनास्थलको फोटो हेरेर पुन निर्माण गरी भएको थप अनुसन्धानका आधारमा ती माल वाहक ट्रकहरुको पहिचान खुलेको ईलाका प्रहरी कार्यालय,रुद्रपुरका प्रहरी निरीक्षक देवेन्द्र कुमार मल्लले जानकारी दिए ।

घटना गराउने माल वाहक गाडीहरुको कल डिटेल तथा घटना घटेको समयमा लुम्बिनी फायरलाइन सडक खण्ड भएर आवत–जावत गरेका सवारी तथा माल वाहक गाडीहरुको इन्ट्री र सो सडक खण्डमा जडान गरिएका सिसिटिभीमा देखिएको फुटेजहरुको आधारमा बैसाख ३१ गते शुक्रवार दाङ्ग जिल्लाबाट दुई वटा ट्रक र एउटा ट्रकलाई सल्यानको कपुरकोटबाट नियन्त्रणमा लिइ हाई प्रोफाइल तथा गम्भिर प्रकृतिका अपराधहरुमा मात्र गरिने घटनास्थलको पुन निर्माणको आधारमा गरिएको अनुसन्धानबाट ती दुई ट्रकहरुको पहिचान भई ट्रक र ट्रक चालकहरुलाई कारवाहीका लागि मुद्धा दर्ता गरिएको इलाका प्रहरी कार्यालय,बुटवलले जनाएको छ।

ती दुई ट्रकहरुले बैसाख ३० गते राती अन्दाजी २ बजेको समयमा ट्राफिक चेकिङ्गको क्रममा इलाका प्रहरी कार्यलय,रुद्रपुरमा कार्यरत प्रहरी हवलदार कर्ण बहादुर बुढा मगरलाई ठक्कर दिई फरार भएका थिए । फरार भएका ना ६ ख ३३२९ नम्वरका ट्रक चालक जिल्ला सल्यान,बागचौर नगरपालिका वडा नं. १० बस्ने बर्ष ३५ का गोबिन्द सुनार र ना ६ ख ३३३० नम्वरका ट्रक चालक जिल्ला दाङ्ग,तुलसीपुर उपमहानगरपालिका वडा नं.१२ बस्ने बर्ष ३२ का बिष्णु सुनार रहेको इलाका प्रहरी कार्यलय,बुटवलले जनाएको छ।

निषेद्याज्ञामा चेकिङ्गमा बसेका प्रहरीको गाडीको ठक्करबाट मृत्यु