रुपन्देहीमा थपिए ४८६ संक्रमित, बुटवलमा २०८ जनामा संक्रमण

बुटवल । पछिल्लो ३ दिनदेखि रुपन्देहीमा कोरोना संक्रमितको संख्या घट्दै गएको छ । यसले कोभिडको हटस्पट बनेको रुपन्देहीमा केही राहतको महशुश भएको छ । जिल्ला स्वास्थ्य कार्यालयले शनिबार एक सूचना जारी गरि सार्वजनिक गरेको तथ्यांक अनुसार पछिल्लो २४ घण्टामा रुपन्देहीमा १ हजार ३२५ जनाको कोरोना परीक्षण गर्दा ४८६ जनामा संक्रमण देखिएको छ ।

स्वास्थ्य कार्यालय रुपन्देहीका अनुसार पछिल्लो २४ घण्टामा जिल्लामा सबै भन्दा धेरै बुटवल उपमहानगरपालिकामा ९५ महिला र ११३ जना पुरुष गरी २०८ जनामा संक्रमण देखिएको छ । यस्तै तिलोत्तमा नगरपालिकामा १०४, सिद्धार्थनगर नगरपालिकामा ४८, देवदह नगरपालिकामा ३८, सैनामैना नगरपालिकामा ३४ र ओमसतिया गाउँपालिकामा १४, कञ्चनमा गाउँपालिकामा ८, सियारी गाउँपालिका, सुद्धोधन गाउँपालिकामा ७।७, मायादेबी गाउँपालिकामा ५, लुम्बिनी साँस्कृतिक नगरपालिकामा ४, मर्चवारी गाउँपालिका र रोहिणी गाउँपालिकामा ३।३ जना र गैडहवा गाउँपालिकामा १ जना संक्रमित थपिएको स्वास्थ्य कार्यालयले जनाएको छ ।

यस्तै जिल्लामा पछिल्लो २४ घण्टा भित्र ९ जनाको मृत्यु भएको छ । यस संगै रुपन्देहीमा कोरोनाका कारण मृत्यु हुनेको संख्या ३ सय ४५ पुगेको छ भने र सक्रिय संक्रमितको संख्या ७ हजार १ सय १ जना पुगेको छ । रुपन्देहीमा हिजो शुक्रबार ५१४ जनामा संक्रमण देखिएको थियो भने विहीबार ४९४, बुधबार ९०७ जनामा संक्रमण देखिएको थियो ।