बुटवल । रुपन्देहीको कन्चन गाउपालिका ४ थकालीचोकमा प्रहरी चेकिङमा रहेका प्रहरी हवल्दारको अपरचित गाडीको ठक्करबाट मृत्यु भएको छ ।इलाका प्रहरी कार्यलय, रुद्रपुरका अनुसार कञ्चन गाउपालिका वडा नं. ४ थकालीचोक स्थित ट्राफिक चेकिङको क्रममा अपरिचित गाडीले ठक्कर दिँदा प्युठान अैरावती गाँउपालिका २ घर भई र हाल इलाका प्रहरी कार्यलय रुद्रपुरमा कार्यरत प्रहरी हवल्दार कर्ण बहादुर बुढा मगरको घटनास्थलमा मृत्यु भएको जिल्ला प्रहरी कार्यालय रुपन्देहीका डिएसपी सत्यनारायण थापाले जाअनकारी दिए।
आज बिहीबार बिहान अन्दाजी २ बजेको समयमा पहिचान खुल्न नसकेको गाडीले ठक्कर दिंदा ३६ बर्षिय प्रहरी हवल्दार बुढा मगरको मृत्यु भएको छ र निजको शव पोष्टमार्टमका लागि लुम्बिनी प्रादेशिक अस्पताल बुटवलमा पठाइएको छ।ठक्कर दिने गाडीको पहिचानका लागि हरैया, लोन्डिहवा र लुम्बिनीमा राखिएका सि सि टि.भी.क्यामेराको सहयताबाट खोजी भैरहेको प्रहरीले जनाएको छ ।
युनिकोड
मिति रूपान्तरण
ग्लोबल आवाज
प्रतिक्रिया