दुई मन्त्रीको राजीनामासँगै लुम्बिनी सरकारलाई जसपाको साथ, ४ मन्त्री थपिँदै

बुटवल । लुम्बिनी प्रदेशमा आफ्नो सरकार जोगाउन मूख्यमन्त्री शंकर पोखरेलले जसपाको साथ लिन तयारी भएको छ । सरकार विरुद्ध नेपाली कांग्रेस, नेकपा माओवादी र जनता समाजवादी पार्टीले अविश्वासको प्रस्ताव दर्ता गरेको केही घण्टामै सरकारका लागि नयाँ समीकरण सुरु भएको हो ।

लुम्बिनी प्रदेशका सामाजिक विकास मन्त्री सुदर्शन बराल र कानून मन्त्री कुलप्रसाद केसीले पदबाट राजीनामा दिएसँगै जनता सामाजवादीका प्रमुख सचेतक सन्तोष पाण्डेयको नेतृत्वमा सरकारमा जाने गरी छलफल सुरु भएको हो । ग्लोबल आवाजसँग छोटो प्रतिक्रिया दिँदै नेता पाण्डेयल सरकारमा जाने नजाते बारे छलफलमै रहेको बताउँदै साँझसम्म टु“गो लग्ने जानकारी दिए ।

माओवादी केन्द्रका दुइजना मन्त्रीले राजिनामा दिएपछि रिक्त रहेका आन्तरिक मामिला तथा कानुन मन्त्रालय र सामाजिक बिकास मन्त्रालय संगै अन्य दुई मन्त्रालयमा नयाँ मन्त्री नियुक्ति गर्न मूख्यमन्त्री पोखरेलले तयारी थालेका छन् । नियुक्त हुने मन्त्रीहरुको सोमबार ४ बजे नै सपथ ग्रहण गराउने तयारी गरिएको छ ।

अविश्वास प्रस्तावमा हस्ताक्षर गरेका जसपाका साम्सदहरु बिजय यादव सन्तोष पाण्डे र कल्पना पाण्डे र सुमन रायमाझी मन्त्री बन्ने टुंगो लागि सकेको स्रोतको दाबी छ ।