December 4, 2020, Friday
२०७७ मंसिर २०, शनिबार

इतिहासको खोज भाग- २

नयाँ पिँढीले बिर्सिएका शारीरिक सुगठनका गुरु घनश्याम मुखिया

603

घनश्याम मुखिया गुरुको अध्ययनका लागि लामो समय भारतमा बिताए । त्यहाँ बस्दा उनको रुझान शारीरिक सुगठन तर्फ रह्यो । विस्तारै भारतमा हुने शारीरिक सुगठनका प्रतियोगिताहरु समेत उनले भाग लिन थाले । सन् १९७१ मा भारतमा आयोजित विश्व बिहार शारीरिक सुगठन प्रतियोगिताको उपाधि उनले जित्न सफल भए । भारतबाट वि.सं. २०२७ साल तिर नेपाल छिरे । उति बेला विराटनगर तिर कुस्ति पेहलवानीको खुब चर्चा चल्थ्यो ।

नेपाली चलचित्रका नायक शिव श्रेष्ठ, पार्थसारथि सेन गुप्ता मिठु), प्रकाश पाठक लगाएतका युवाहरु पेहलवानी गर्ने गरेको उनले थाहा पाए । सुरुवातदेखि हेर्ने हो भने शारीरिक सुगठन खेललाई भारत्तोलनसँग नै जोडिएर हेरिन्थो । उनले यो पहलमानी नभइ शारीरिक सुगठन (बडी बिल्डिङ्) भएको कुरा बुझाए । वि.सं. २०३१ साल तिर उनि नेपाल प्रहरीमा जागिरको शिलशिलाका राजधानी छिरे । काठमाडौंमा वि.सं. २०१० सालमा स्थापना भएको नेपालको जेठो व्यायामशाला नेपाल व्यायाम मन्दिरले २०२५ सालको सेरोफेरोबाट जीमखाना खोलेको थियो । सुरुवाती दिनमा त्यसले कुस्ती प्रतियोगिताहरु आयोजना गथ्र्यो । त्यही व्यायामशालामा उनको भेट शिवलाल श्रेष्ठ, गोबिन्द चित्रकार र वर्णबहादुर श्रेष्ठसँग भयो ।

त्यति बेला नेपाल व्यायाम मन्दिरमा हिरा चा भनिने हिराकाजीले प्रशिक्षण दिने गरेका थिए । उनि आएपछि नेपाल व्यायाम मन्दिरमा उनले नै प्रशिक्षण दिन थाले । वि.सं. २०३० सालमा रधु बन्तको सक्रियतामा एमेच्युर एथ्लेटिक्स युनियन क्लबको आयोजनामा प्रथम मिस्टर काठमाडौं शारीरिक सुगठन सम्पन्न भईसकेको थियो । वि.सं. २०३३ सालमा एमेच्युर एथ्लेटिक्स युनियन क्लबको आयोजनामा नै झन्दै २० जना खेलाडीको सहभागिता भृकुटी मण्डपको सभागृहमा दोश्रो मिस्टर काठमाडौं शारीरिक सुगठन प्रतियोगिता भयो । त्यसमा विजेता बन्न सफल भएको उनि बताउँछन् । उति बेलाका शारीरिक सुगठन प्रतियोगिताहरु आज जसरी बजन समुहमा नभएर उचाइका आधारमा हुने गरेको उनि सम्झन्छन् ।

५.२ फुट सम्मको शट हाइट, ५.२ फुट देखि ५.६ फुट सम्म मिडल हाइट, ६ फुट सम्म टल हाइट गरि तिन समुहमा प्रतियोगिता हुने गरेको उनले बताए । पछि सन् १९७८ भारतमा आयोजित अर्जुन श्री अफ बंगल शारीरिक सुगठन प्रतियोगिताको उपाधि समेत उनले जिते तर राष्ट्रिय खेलकुद परिषदको आयोजनामा वि.सं. २०३८ सालमा सम्पन्न प्रथम राष्ट्रिय शारीरिक सुगठन प्रतियोगितामा जगिरको शिलशिलका भारत जानु परेकोले खेल्न नपाएको दुख अनि आज पनि सम्झन्छन् । पछि उनले नेपाल शारीरिक शारीरिक सुगठन संघको नेतृत्वमा रहेर काम गरे । उनकै पालामा नेपालमा पहिलो अन्तराष्ट्रिय शारीरिक सुगठन प्रतियोगिता 2nd South Asian Bodybuilding championship 2000 kathmandu आयोजना गर्यो ।

जस्मा टिम विजेता सहित १ स्वणर्, ३ कास्य र ४ रजत प्राप्त गरेका नेपालले दक्षिण एशियामा शारीरिक सुगठन खेलमा पहिलो पटक आफ्नै माटोमा धाक जमाउन सफलता पाएको थियो । नेपाल व्यायाम मन्दिरका मध्यमबाट उनले लामो समयसम्म आफु भएको शारीरिक सुगठनको ज्ञान हजारौ खेलाडीलाई बाँडी सकेका छन् । हाल उनि केहि समयका लागि नेपाल बाहिर छन् । नेपालमा पहिलोपटक बडी बिल्डिङ सिकाउने व्यक्ति घनश्याम मुखिया गुरुलाइ पछिल्ला पिडीले सम्झन छाडेका छन् ।

global-corona-notice

पछिल्लो अपडेट