‘भारतसँग सहकार्यका लागि जुत्ता भित्रको ढुङ्गा मिल्काउनै पर्छ’

गुल्मी । नेपाल कम्यूनिष्ट पार्टीका स्थायी कमिटी सदस्य तथा परराष्टमन्त्री प्रदिप ज्ञवालीले भारतसँगको सम्वन्ध सुमधुर बनाउन र सहकार्य गर्न जुत्ता भित्रको ढुङ्गा निकालेर मिल्काउनै पर्ने बताएका छन् । नेपाली भूूमी अतिक्रमण लगाएतका विषयलाई नेपालीका लागि पैतला बिझाउने जुत्ता भित्रका ढृुङ्गाको संज्ञा दिँदै उनले नेपालीहरुलाई बिझाई रहने ती ढुङ्गाहरु नमिल्काएसम्म सम्वन्ध सुमधुर भई रहन नसक्ने धारणा राखे ।

Advertisement

शनिबार गृह जिल्ला गुल्मीको सदरमुकाम तम्घास स्थित नेकपाको पार्टी कार्यालयमा कार्यकर्ताहरुलाई सम्बोधन गर्दै मन्त्री ज्ञवालीले यस्तो धारणा राखेका हुन् । उनले भने ‘ यति बेला विवादमा अल्झीने बेला होइन, सवै राजनैतिक दल विच एकता गरेर कोरोना बिरुद्ध लड्न कसरी सकिन्छ । रोजगारी गुमाएकाहरुलाई कसरी रोजगारीमा जोड्न सकिन्छ । भारतले मिचेको नेपाली भुमी कसरी फर्काउन सकिन्छ भनेर चिन्ता गर्ने बेला हो ।’ यतिबेला पार्टी भित्र विवाद निकाल्ने बेला नभएको धारणा राखेका छन् ।

उनले नेपाल कम्युनिष्ट पार्टी नेकपाको शिर्ष नेतृत्व घरको एउटा धुृरी खाँवो भएको र त्यो धुरी खाँबो नै ढल्यो भने अस्तीत्व नै समाप्त हुने बताए । उनले कार्यकर्ताहरुलाई पार्टी नफुट्ने कुरामा आश्वास्त पार्दै भने कार्यकर्ता स्तर देखि माथी सम्म पार्टी एकता कै पक्षमा उभिने बेला हो यो । उनले रेसङ्गाु नगरपालिकाको आईसोलेशनलाई पिसीआर मेशिन हस्तान्तर गर्दै भने नगरपालिकाले खर्चमा कन्जुसाई नगरि कोराना विरुद्धको लडाईमा राम्रो ब्यवस्थापन गरेको बताउँदै भने खर्च र पैसाको सवाल होईन, मनव मुल्य भन्दा अरु ठुलो मुल्य केहि छैन, एक जना मानिस बचाउन सकियो भने पनि ठुलो कुरा हो ।

पैसासँग मानव मूूल्य नदाज्न आग्राह गरे । उनले भारत संगको सम्वन्ध जुत्ता भित्रका ढुङ्गा निकालेर नफाले सम्म सुमधुर हुन नसक्ने तर्क गरे । भारत संग हाम्रो सम्वन्ध र सहकार्य रहँदै आएको छ तर जुत्ता भित्रका ढुङ्गाहरु निकालेर नफाले सम्म सम्वन्ध र सहकार्य सुमधुर रहि रहन सक्दैन । मन्त्री ज्ञवालीले यति बेला सबै दलहरु बिच राष्टिय एकताको खाँचो भएकोले हिमाल पहाड तराई बिच अभुतपुर्व एकतामा जुट्न आव्हान समेत गरे ।

मन्ज्ञी ज्ञवालीले गृह जिल्लामा कोरोना विरुद्ध लड्न पटक पटक विभिन्न स्वास्थ्य सामग्री काठमाण्डौबाट पठाएका छन भने शनिवार आफै आएर पिसिआर मेशिन रेसुङ्गा नगरपालिकाका मेयर डिल्लीराज भुसाललाई हस्तान्तरण गरेका छन् । उक्त मेशिन हिमालय एअरलाईन्सबाट मन्त्री ज्ञवालीको पहलमा उपलब्ध गराएको जनाईएको छ । मन्त्री ज्ञवाली शनिबार नै काठमाण्डौं फर्किएका छन् ।