प्रदेश ५ सरकारद्वारा किसानलाई १२ करोड ५० लाख कोरोना विशेष अनुदान वितरण

बुटवल । प्रदेश ५ सरकारले कृषि क्षेत्रमा कोभिड–१९ ले पारेको असरलाई राहत पु¥याउन तथा कृषि उत्पादन प्रवद्र्धनमा आधारित कार्यक्रमअन्तर्गत कृषकलाई प्रत्यक्ष राहत पुग्नेगरेर अनुदान वितरण गरेको छ । प्रदेश सरकारले कृषि उत्पादन प्रर्वद्धनमा आधारित र कोभिड–१९ विशेष कृषि कार्यक्रमअन्र्तगत आज रु. १२ करोड ५० लाख अनुदान वितरण गरेको छ ।

प्रदेशको कृषि विकास निर्देशनालय र पशुपक्षी तथा मत्स्य विकास निर्देशनालयले आज बुटवलमा एक कार्यक्रमको आयोजना गरेर कुल रु १२ करोड १० लाख ९७ हजार १३४ अनुदानको रुपमा बिभिन्न कृषक समूहमार्फत किसानलाई अनुदान प्रदान गरेको हो । प्रदेशको पशुपक्षी तथा मत्स्य विकास निर्देशनालयबाट उत्पादन प्रवद्र्धनमा आधारित कृषि उपजमध्ये दुग्धतर्फ ३१ सहकारीलार्ई रु. सात करोड ४८ लाख ६६ हजार ७४ प्रदान गरिएको छ । यसबाट सात हजार १६९ महिला र सात हजार ४८० पुरुष गरेर १४ हजार ६६९ दुग्ध उत्पादन तथा वितरक किसान लाभान्वित भएका मन्त्रालयले जनाएको छ ।

यस्तै खसी बोका कारोवार गर्ने १९ सहकारीलाई रु. ४५ लाख पाँच हजार ३५० वितरण गरिएको र यसबाट १३ हजार ७६२ कृषक लाभान्वित भएका छन् । कोभिड विशेष कृषि कार्यक्रम अन्तर्गत दुग्धतर्फ ९३ सहकारी संस्थामार्फत रु. दुई करोड ७८ लाख एक हजार दुई सय उपलब्ध गराइएको छ । यसबाट १६ हजार ७३१ महिला र १२ हजार ४३५ पुरुष गरि २९ हजार १५६ कृषक लाभान्वित भएका छन् । कुखुरातर्फ रु. एक करोड १८ लाख २८ हजार गरी २२४ परिवार लाभान्वित भएका छन् । प्रदेश सरकारले उत्पादन प्रवद्र्धनमा आधारित र कोभिड विशेष अनुदान कार्यक्रममा गरेर जम्मा रु. ११ करोड ७४ लाख नौ हजार १३४ नगद अनुदान प्रदान गरेको मन्त्रालयले जनाएको छ ।

सरकारले दुग्ध कृषकका लागि उत्पादनमा आधारित रकम प्रति लिटर रु. दुई र कोभिड–१९ का लागि प्रति लिटर रु. १० उपलब्ध गराएको छ । यस्तै प्रदेशको कृषि विकास निर्देशनालयले कोभिड–१९ विशेष कार्यक्रमअन्र्तगत रु. ३६ लाख ८८ हजार किसानलाई बिज वृद्धि र सामग्री खरिदमा अनुदान सहयोग प्रदान गरेको छ । कार्यक्रममा भूमि व्यवस्था, कृषि तथा सहकारीमन्त्री आरती पौडेल, मन्त्रालयका सचिव तेजबहादुर सुवेदीले किसान समूहलाई अनुदान रकमको चेक हस्तान्तरण गर्नुभयो । कृषि विकास निर्देशनालयका प्रमुख यामनारायण देवकोटाका अनुसार यसबाट कुल २७३ किसान लाभांवित भएका छन् । अनुदानबाट पाँच हजार ८८४ किसान लभांवित भएका छन । मन्त्री पौडेलले कोभिड–१९ का कारण रोजगारी गुमाएर बसेका व्यक्तिका लागि कामगर्ने विशेष अवसर रहेको बताउनुभयो ।

प्रदेश सभा कृषि वन वातावरण समितिका सभापती विजयबहादुर यादवले किसानलाई राहत वितरण गर्दा एकरुपता अपनाउन आग्रह गर्नुभयो । पश्चिम नवलपरासी बर्दघाट नगरपालिका वडा नं. १४ स्थित चन्द्रोदय दुग्ध उत्पादक संघका अध्यक्ष पुर्ण प्रसाद तिमल्सेनाले अनुदान रकमको चेक प्राप्त गरेपछि कोभिड–१९ प्रभावित कृषकलाई राहत मिलेको बताउनुभयो । यस्तै रुपन्देहीको बुटवल उपमहानगरपालिका वडा नं १५ स्थित साना किसान कृषि सहकारीका अध्यक्ष गोपाल पौडेलले कोभिडका कारण दुग्ध कृषकले उत्पादन पनि कमि आएको र लागत बढेको बताउनुभयो । उहाँले सरकारले उपलब्ध गराएको राहतले किसानमा उत्साह थपेको बताउनुभयो ।

राहत रकम कृषक समूहमार्फत किसानलाई उपलब्ध गराइएको छ । कृषक समूहले उक्त रकम कृषकको बैंक खातामा उपलब्ध गराइ कृषि विकास निर्देशनालयमा भौचर उपलब्ध गराउनुपर्ने नियम रहेको छ । यसबाट किसानले प्रत्यक्ष रकम पाएको पारदर्शि हुने साना किसान सहकारीका अध्यक्ष पौडेलले बताउनुभयो ।