काठमाडौँ । अन्तर्राष्ट्रिय फिल्म फेस्टिभलहरूमा सहभागिता जनाएर अवार्ड जितिसकेको चलचित्र ‘गाउँ आएको बाटो’ को ट्रेलर सार्वजनिक गरिएको छ । बिहीबार एक कार्यक्रमकाबिच उक्त चलचित्रको ट्रेलर सार्वजनिक गरिएको हो ।
गाउँमा मोटरबाटो पुगेपछि बाबु र छोराबिचको सम्बन्धमा आउने उतारचढावको कथामा चलचित्र बनेको हो । ट्रेलरमा चलचित्रको कथा झल्काउन खोजिएको देखीन्छ ।
ट्रेलरमा पनि चलचित्रको कथा बुझाउने खालका दृश्यहरु समेटिएको छ । ट्रेलर हेर्दा चलचित्रले बिकट गाँउको एक गरीब परिवारको कथा भन्ने अनुमान गर्न सकिन्छ ।
यो चलचित्रले सन २०२३ मा टोरन्टोमा वल्ड प्रिमियरसँगै बुसान, मुम्बई, बेइजिङ लगायतका प्रसिद्ध फिल्म फेस्टिभलमा सहभागिता जनाईसकेको छ । नेपालमा यो चलचित्र चाहिँ जेठ २५ बाट रिलिज हुँदैछ ।
आमोद राई निर्माता रहेको चलचित्रमा दयाहाङ राई, पशुपति राई र प्रसन राईको मुख्य भूमिका छ । चलचित्रमा उनिहरुसंगै प्रेम सुब्बा, केशव राई, राज थापा, सुमित्रा राईको समेत अभिनय रहेको छ ।
चलचित्रका कार्यकारी निर्माता सञ्जु राई, देवराज राई, नारहाङ राईर भीम राई हुन् । चलचित्रलाई नबिन शुब्बाले निर्देशन गरेका हुन ।
युनिकोड
मिति रूपान्तरण
ग्लोबल आवाज
प्रतिक्रिया