काठमाडौं । कलाकार प्रियंका कार्की भारतको दादासाहेब फिल्म अवार्ड फाउन्डेसनबाट सम्मानित हुने भएकी छन् । फाउन्डेसनले उनलाई बेस्ट एक्ट्रेस नेपाल अवार्डबाट सम्मानित गर्न लागेको हो ।
फाउन्डेशनले गत मे १९ मा पत्राचार गरेर यसबारे उनलाई जानकारी दिएको हो । कार्की एक दशकदेखि नेपाली फिल्म क्षेत्रमा सक्रिय छिन् ।
दादासाहेब फाल्के फिल्म फाउन्डेसनले आयोजना गर्ने अवार्ड आउँदो ३० मेमा मुम्बइमा हुँदैछ । प्रियंकाले अवार्ड पाउने भएपछि उनकी सासु तथा पूर्व बैंकर रविना देशराजले नेपाली चलचित्र क्षेत्रकी ‘रानी’ भन्दै प्रशंसा र बधाई दिएकी छन् ।
‘तिमी हाम्रो जीवनको र नेपाली फिल्मकी रानी हौ । तिमी यो गौरवपूर्ण अवार्डको लागि योग्य थियौ,’ उनले सामाजिक सञ्जाला उल्लेख गरेकी छन् ।
गत बर्ष अभिनेत्री करिश्मा मानन्धर र निर्देशक आकाश अधिकारी ‘दादासाहेब फाल्के फिल्म फाउन्डेसन अवार्ड २०२३’ बाट सम्मानित भएका थिए ।
युनिकोड
मिति रूपान्तरण
ग्लोबल आवाज
_feDSYGzjWk.png)
-ink-1729417071_PpI1NVapa0.jpg)
प्रतिक्रिया