ताजा अपडेट »

एमाले लुम्बिनी प्रदेश अधिवेशन : महासचिव पोखरेल गुटको बुटवलमा गोप्य भेला

बुधबार, १३ भदौ २०८०, ०६ : ०३
34 Shares

बुटवल । नेकपा एमाले लुम्बिनी प्रदेश कमिटीको प्रथम अधिवेशन यही भाद्र १६ र १७ गते बुटवलको अन्तर्राष्ट्रिय सम्मेलन केन्द्रमा हुँदै छ । अधिवेशन नजिकिँदै गर्दा महासचिव शंकर पोखरेल र उपाध्यक्ष विष्णु पौडेल निकटका नेता कार्यकर्ताहरु बीच आन्तरिक तयारी र छलफल तिब्र भएका छन् । यसै बीच पोखरेल निकट नेता कार्यकर्ताको एक गोप्य छलफल सार्वजनिक भएको छ ।

एमाले लुम्बिनी प्रदेश अधिवेशनबाट अध्यक्ष हुनका लागि वर्तमान अध्यक्ष समेत रहेका पाल्पाका राधाकृष्ण कडेल र एमाले केन्द्रिय सदस्य समेत रहेका प्युठानका हरि रिजाल आकांक्षी छन्। दुबै नेताहरुले पार्टी अध्यक्ष केपी शर्मा ओलीसँग भेटेर अध्यक्ष बनाईदिनका लागि आग्रह गरेका समेत गरेका थिए । तर अध्यक्ष ओलीले दुबैलाई अधिवेशन सम्पन्न गर्ने तिर लाग्नुस भन्दै पठाइदिएपछि उनीहरु आफू निकट गुट समाउन लागेको एमाले कार्यकर्ताहरु बताउछन्। हादका अध्यक्ष कंडेल उपाध्यक्ष विष्णु पौडेल निकटमा मानिन्छन् भने रिजाल महासचिव विष्णु पौडेलको योजना अनुसार अध्यक्ष पदमा उम्मेद्वारी दिन लागेको एमाले कार्यकर्ताहरु बताउँछन् ।

यसै बीच अध्यक्ष पदका आकांक्षी रिजालको पक्षमा माहोल बनाउने भन्दै बुटवलको ढवाहमा रहेको आरम्भ रिसोर्टमा मंगलबार दिउसो रिजालको कोर टिमको गोप्य भेला भएको कुरा सार्वजनिक भएको छ ।हरि रिजाल पक्षका कोर टिम भनिएकाहरुको विशेष भेलामा एमाले केन्द्रिय सदस्यहरु बलराम अधिकारी, चेतनारायण आचार्य, शिवराज सुवेदी, भुमिश्वर ढकाल, पाल्पाका नारायण प्रसाद आचार्य, नवलपरासीका थान प्रसाद गैरे सहित करिव ३५ जना भेला भएका थिए। भेलामा रुपन्देहीका जिल्ला, प्रदेश तथा केन्द्र तहका अन्य नेताहरु समेत सहभागी भएको स्रोतको दाबी छ ।

हामीलाई प्राप्त भेलाको तस्वीरले एमालेका ति केन्द्रिय सदस्यहरु सहभागी भएको पुष्टि गरेको छ। मँगलबार दिउसो २ बजे आसपासबाट सूरु भएको भेला सांझ करिव ६ बजेसम्म चलेको थियो। भेलामा रिजालको टिममा अरु को कसलाई कसरी समावेश गर्ने भन्ने छलफल र चुनाव नै भएमा कसरी जित्न सकिन्छ भन्ने रणनीती बनाउने काममा केन्द्रित रहेको भेलामा सहभागी एक नेताले बताए । 'जसरी पनि राधाकृष्ण कंडेललाई रोक्नु पर्छ नभए हामीलाई पनि अप्ठेरो पर्छ हामी केन्द्रिय सदस्य भएपनि कंडेलले निरिह बनाउछन् ।'-भेलामा उल्लेख गरिएका प्रसङ्ग उल्लेख गर्दै बैठकमा सहभागी एक सदस्यले बताए ।

एमाले भित्र स्वच्छ तथा सालिन नेताका रुपमा पहिचान बनाएका कंडेल एक वर्ष अघि मात्रै लुम्बिनी प्रदेश अध्यक्षको जिम्मेवारीमा आएका थिए।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।