बुटवल । रुपन्देहीको तिलोत्तमा नगरपालिकाले धानको गाँज सुक्न थालेपछि कृषकहरुका लागि बालि उपचार शिविर सञ्चालन गर्ने भएको छ । धानको गाँज मर्ने तथा बोट कुहिने समस्या देखा परेपछि नगरका सबै वडाहरुलाई परिपत्र गरी समस्याग्रस्त धानको नमूनासहित कृषकलाई उपस्थित हुन आग्रह गरेको छ ।
नगरपालिकाले आइतबार सबै वडा कार्यालयहरुलाई पत्रकार गरी मँगलबार विहान नमूनासहित कृषकहरुलाई शिविरमा उपस्थित हुन आग्रह गरेको हो । राष्ट्रिय गहुँ बाली अनुसन्धान कार्यक्रम भैरहवा तथा कृषि ज्ञान केन्द्र भैरहवाका विज्ञहरुबाट समस्या बारे जानकारी लिने तथा उपचारको उपाय बारे छलफल हुने जनाइएको छ । तिलोत्तमा–१६ विन्दबासिनी मन्दिर परिसरमा आयोजना हुने शिविरमा कृषकका बाली सम्बन्धि समस्या बारे छलफल हुने भएको हो ।
युनिकोड
मिति रूपान्तरण
ग्लोबल आवाज
प्रतिक्रिया