अर्घाखाँची बस दुर्घटनाप्रति प्रदेश सभा सदस्य घिमिरेद्वारा दु:ख व्यक्त

मंसिर १२,

ग्लोबल आवाज

बुटवल । अर्घाखाँचीको सन्धिखर्क नगरपालिका–६, नरपानीमा बुधबार भएको बस दुर्घटनाप्रति प्रदेश सभा सदस्य रामजी प्रसाद घिमिरेले दुःख व्यक्त गरेका छन् । घिमिरेले बाटोको नमुना जिल्लाको रुपमा रहेको अर्घाखाँचीमा सवारी दुर्घटनाका खबर आउनु दुखद भएको भन्दै मृतकहरुमा गहिरो श्रद्धाञ्जली अर्पण सहित घाइतेहरुको शिघ्र स्वास्थ्य लाभको कामना गरेका छन् ।

अर्घाखाँचीको सन्धिखर्कबाट बुटवलका छुटेको लु २ ख २१४८ नम्बरको बस दुर्घटनामा परी १९ जनाको मृत्यु भएको थियो । भने १६ जना घाइते भएका छन् ।

दुर्घटनामा परी मृत्युहुनेहरुमा कपिलवस्तुको बाँसगढीका बस चालक ३६ वर्षीय ओमबहादुर थापा, सन्धिखर्क नगरपालिका ७ डिहीडाँडाका ५६ वर्षीय शिवलाल भट्टराई, सोही ठाउँकी २२ वर्षीया माया पुरी र ५४ वर्षीय बलराम भट्टराई, बस धनी शितगंगा नगरपालिका–२ झिर्राका ३७ वर्षीय सन्त बहादुर बस्नेत र सोही ठाउँकी २७ वर्षीया सीता बस्नेत, कपिलवस्तुको वाणगंगा नगरपालिका ७ बनगाईका ३ महिनाका बालक शोभाखर पोखेरल, अर्घाखाँचीको सन्धिखर्क नगरपालिका ७ का सिता कुमारी नेपाली, भुमिकास्थान नगरपालिका ९ कि ५० वर्षीय सिता घिमिरे, सोही ठाउँकै ५० वर्षीय बिष्णु माया गैरे, भुमिकास्थान नगरपालिका ७ का ५१ वर्षीय मेघनाथ भण्डारी, शितगंगा नगरपालिका १ का १५ वर्षीय मन्जु बिक, अर्घाखाँचीको छत्रदेव गाउँपालिका ८ का ४२ वर्षीय कृष्ण बहादुर सुनार, शितगंगा नगरपालिका ७ कल्लेरीका ४८ वर्षीय लोक बहादुर दर्जी, सोहि ठाउँका ५५ वर्षीय हरि बहादुर दर्जी, सन्धिखर्क नगरपालिका ७ की अन्दाजी ८ वर्षीया बालिका मनिका खड्का, भूमिकास्थान नगरपालिका ९ ठूलो डेवाका २७ वर्षीय शैलेस थापा, सन्धिखर्क नगरपालिका १० का छबिलाल गैह्रे, गुल्मी धुर्कोट २ घर भई हाल रुपन्देहीमा कार्यरत सशस्त्र प्रहरी जवान राजकुमार महत रहेका छन् ।

उक्त दुर्घटनामा परि १६ जना यात्रु घाईते भएका छन् । जसमध्ये सन्धिखर्क नगरपालिका १ का ३ वर्षका एन्जल भट्टराई र छत्रदेव गाउंपालिका ७ ढिकुराका १९ वर्षिय लोकनाथ पाण्डे सामान्य उपचारपछि घर फर्किएका छन् ।

१४ जना घाईतेहरुको बुटवल, भैरहवा र काठमाण्डौमा उपचार भईरहेको छ ।