२७ श्रावण २०७९, शुक्रबार

Aug 12, 2022

बुटवल । लुम्बिनी प्रदेशमा रोजगारका लागि पछिल्लो एक महिनाको अवधिमै १२ हजार बढी विदेशिएका छन् । रोजगारका लागि पुनः विदेशीनेभन्दा पहिलो पटक विदेश जानेहरुको संख्या बढी देखिएको छ । वैदेशि रोजगार विभागले सार्वजनिक गरेको पछिल्लो प्रतिवेदन अनुसार लुम्बिनी प्रदशका १२ जिल्ला, रुकुम पश्चिम र नवलपरासी पूर्वसहितकका १४ जिल्लाबाट जेष्ठ महिनाभित्र मात्रै १२ हजार २९२ जना रोजगकारका लागि विदेशिएका छन् । पछिल्लो एक महिनाको मात्रै तथ्याङ्कलाई आधार मान्ने हो भने दैनिक ४ सय बढी युवाहरु लुम्बिनी प्रदेशबाट रोजगारका लागि बिदेशिनु पर्ने बाध्यता रहेको छ ।

Advertisement

विदेशिएका मध्ये ६ हजार ४९९ जना पहिलो पटक रोजगारका लागि विदेशिएका हुन् । जस मध्ये ६ हजार १०९ पुरुष र ३९० महिला रहेका छन् । यसैगरी पुनः विदेशिनेको संख्या ५ हजार ७९३ रहेको छ । जसमध्ये ५ हजार ५८५ पुरुष तथा २०९ महिलाको संख्या रहेका छन् । २ वर्षको कोरोना महामारीपछि विदेशीने संख्या बढ्दै गएको विभागको तथ्याङ्कमा उल्लेख छ । लुम्बिनी प्रदेशका जिल्लाहरु मध्ये रोजगारीका लागि विदेशीनेको संख्या सबैभन्दा बढी रुपन्देहीमा देखिएको छ । रुपन्देहीबाट गत जेष्ठ महिना भित्र १ हजार ८३३ पुरुष तथा १०९ महिला गरी १ हजार ९ सय ४२ जना विदेशिएका छन् । यसैगरी दोस्रो स्थानमा रहेको कपिलवस्तुबाट १ हजार ४५३ जना विदेशिएका छन् । जसमध्ये २९ जना महिलासमेत रहेका छन् । रोजगारका लागि एक महिनाको अवधिमा नवलपरासी पूर्व र नवलपरासी पश्चिमबाट १ हजार ९४२, पाल्पा ८८८, गुल्मी ९४६, दाङ १ हजार ३८५, रुकुम पूर्व र रुकुम पश्चिमबाट ४४२ जना विदेशिएका छन् । यसैगरी बर्दियामा ५९१, बाँकेमा ७४२, अर्घाखाँचीमा ५८१ र प्यूठानमा ४८१ जना रोजगकारका लागि देश छोडेका छन् ।

सुरक्षित आप्रबासनका लागि राष्ट्रिय सञ्जालका हरी थापाका अनुसार स्वदेशमै रोजगारी सिर्जना गर्न नसक्नुका साथै मुलुकको चरम आर्थिक संकटले विदेशिनीको दर अझ बढ्न सक्ने छ । एक पटक विदेश गएर फर्केकाहरुलाई समेत नेपालमै स्वरोजगार तथा लगानी मैत्री वातावरण सिर्जना गर्न नसक्दा पुनः विदेशी गरेको पाइन्छ । सञ्जालका प्लानिङ फेसिलेटर असोक रानाले युवाहरुलाई रोजगारबाट फर्केपछि पुनः विदेशिनबाट रोक्ने हो भने पनि मुलुकले ठूलो उपलब्धि हासिल गर्न सक्ने दाबी गरे । उनीहरुले विदेशमा आर्जन गरेको सीप र क्षमतालाई स्वदेशमै प्रयोग गर्न मिल्नेगरी वातावरण तयार पार्न संघ, प्रदेश र स्थानीय सरकाले नीतिगत सुधारमा जोड दिन आवश्यक रहेको उल्लेख गरे ।

वैदेशि रोजगार विभागले तयार पारेको तथ्याङ्क अनुसार पछिल्लो एक महिना अर्थात जेष्ठ महिनामा मात्रै मुलुकभरबाट ६२ हजार ३४९ जना युवाहरु विदेशिएका छन् । उक्त संख्या मध्ये ३४ हजार ८७ जना युवा पहिलो पटक रोजगारका लागि विदेशिएका हुन् । यसैगरी अघिल्लो महिना वैशाखमा ४५ हजार विदेशिएका मध्ये २१ हजार ३१७ जना नव प्रवेशी हुन् । अघिल्ला महिनाहरु चैत्र र फागुनमा क्रमशः ५५ हजार ५२३ तथा ५३ हजार ४५७ जना युवाहरु विदेशिएका छन् । यसरी पछिल्लो ४ महिनाको तथ्याङ्कलाई मात्रै विश्लेषण गर्ने हो भने कुल २ लाख १६ हजार ३३३ जना युवाहरुले रोजगारका लागि देश छाडेका छन् । २०७९ सालको वैशाख र जेष्ठ महिनामा मात्रै १ लाख ७ हजार ३५३ जनाले रोजगारका लागि देश छाड्नु परेको छ । पछिल्लो ४ महिनाको विश्लेषण गर्दा मासिक ५० हजारको औसतमा विदेशिनेको संख्या रहेको छ भने दैनिक १८ सय बढी युवाहरु रोजगारीका लागि विदेशिनु पर्ने बाध्यता रहेको छ ।

प्रतिकृया दिनुहोस्

Flash News

बढ्दै जनैको महत्व, गत वर्ष साढे १७ करोडको आयात देशैभर आज पनि वर्षाको सम्भावना, भोलि र पर्सी ठूलो पानी पर्ने आज रक्षाबन्धन तथा जनैपूर्णिमा मनाइँदै बुटवलको अन्तर्राष्ट्रिय सम्मेलन केन्द्र : कसले सञ्चालन गर्ने बारे अन्यौल अन्तर्राष्ट्रिय युवा दिवस : युवाका समस्या जस्ताको त्यस्तै अक्सफोर्डका विद्यार्थीलाई स्वागत तथा सम्मान ‘अमेरिका मेरो बुढा छ’ सार्वजनिक एकिकृत समाजवादीका अध्यक्ष नेपाललाई कोरोना संक्रमण गुल्मीको वार्षिक समीक्षा गोष्ठीमा जे देखियो… सामाजिक सञ्जालमार्फत महिलालाई सास्ति दिएको भन्दै एक जना पक्राउ सनराइज बैंकको लगानीमा चौतारी निर्माण एमालेले गठन गर्‍यो ओलीको नेतृत्वमा केन्द्रीय निर्वाचन परिचालन कमिटी लुम्बिनीका १० सहित ६३ पालिकाले अझै बजेट पेश गरेनन् चाउचाउपछि फिल्मी क्षेत्रमा रुपन्देहीको यशोदा समूह, चलचित्र ‘फूलबारी’ निर्माण गर्दै माओवादीबाट ३ पटक जितेका टोपबहादुरले एमालेबाट के गर्लान्? कोरोना संक्रमणबाट एकै दिन पाँच जानाको मृत्यु राप्रपा रुपन्देही उपाध्यक्ष गुप्ताद्वारा पदबाट राजीनामा (पत्रसहित) भुवन केसीको नियुक्ति प्रक्रिया बदरको माग गर्दै सर्वोच्चमा रिट दायर, सोमबार पेसी रुपन्देही ट्राफिक प्रहरीकाे अभियान : तीब्र गतिका सवारीलाई नियन्त्रण भैरहवाको मेडिकल कलेजमा विशिष्ट विशेषज्ञ सेवा थप