१९ असार २०७९, आईतवार

Jul 3, 2022

दाङ । दाङका मुक्त कमलहरीहरूले कमलहरी मुक्तिको अभियान २२ वर्ष पुग्दा पनि राज्यले कमलहरीहरूको पहिचान गर्न नसेकेको गुनासो गरेका छन् । बुधबार दाङको घोराहीमा मुक्त कमलहरी विकास मञ्च दाङले आयोजना गरेको पत्रकार सम्मेलनमा बोल्दै उनीहरूले यस्तो गुनासो गरेका हुन् ।

Advertisement

कमलहरी विकास मञ्चकी संस्थापक अध्यक्ष मञ्जिता चौधरीले मुक्त कमलहरीहरूलाई उच्च शिक्षा हाँसिल गर्नको लागि निकै समस्या भइरहेको बताइन् । २०६६ सालमा राज्यले मुक्त कमलहरीको लागि १२ करोड बजेट छुट्याएको भएता पनि विगत २ वर्षदेखि सरकारले छात्रवृत्ति नदिँदा करिब २७७ जना मुक्त कमलहरीहरूलाई उच्च शिक्षा हासिलमा समस्या भएको चौधरीको भनाई थियो ।

उनले भनिन्, ‘अहिले मुक्त कमलरीहरूलाई बजेट आएको छैन् । जसले गर्दा २७७ जनालाई उच्च शिक्षाको लागि समस्या भएको छ । २०६८ सालमा राज्यले मुक्त कमलहरीहरूको लागि शिक्षा निर्देशिका पास गरेको छ । तर, राज्यले हामीलाई दिइने छात्रवृत्ति कटौती गरेको छ । त्यसलाई निरन्तरता दिनुपर्ने हाम्रो राज्यसँग माग हो ।’ उनले सरकारसँग विभिन्न चरणमा आन्दोलन गर्दै धेरै उपलब्धि पाएको भएयता पनि अहिलेसम्म आफूहरूले परिचय पत्र नपाएको पनि बताइन् । त्यस्तै २०७४ सालमा मुक्त कमलहरीलाई परिचय पत्र वितरण गर्ने कार्य निर्देशिका बनेको भन्दै उनले राज्यले कार्यान्वयनमा वेवास्ता गरेको आरोप लगाइन् ।

उनले भनिन्, ‘धेरै कार्य निर्देशिका मात्र बनेका छैन् । २०७० जेठमा हाम्रो मागको १० बुँदे सम्झौता भएको थियो । तर, राज्यबाट कार्यन्वयन भएको छैन् । अहिले प्रदेश तथा संघले ल्याएको नीति तथा कार्यक्रममा मुक्त कमलहरीलाई कतै सम्बोधन भएको छैन् । अहिलेसम्म हाम्रो पहिचान राज्यले गर्न सकेन । यो नै दुखद कुरा हो ।’ राज्यसँग भएको १० बुँदे सहमतिमा ३ वटा बुँदा मात्र कार्यान्वयन भएको र बाँकी ७ बुँदा कार्यान्वयन हुन बाँकी रहेको भन्दै अहिले आफूहरू १४ बुँदे माग सरकारसँग गरेको पनि उनको भनाइ थियो ।

त्यस्तै उनले विगतका नीति तथा कार्यक्रममा सरकारले केही ठाउँमा मुक्त कमलहरीहरूलाई सम्बोधन गरेको पाइएता पनि अहिले नपाइएको भन्दै आफूहरूलाई दुख महशुस भएको उल्लेख गरिन् । आफूहरूले राष्ट्रिय, अन्तर्राष्ट्रियस्तरमा गएर आफ्ना अनुभवहरू सुनाएर आफ्नो पहिचान बनाइ सक्दा पनि राज्यले आफूहरूलाई नचिन्नु दुखद् पक्ष भएको उनको भनाइ थियो । आफूहरूको परिचय पत्र नहुँदा विश्वविद्यालय अनुदान आयोगबाट पाइने छात्रवृत्तिबाट समेत बञ्चित हुनुपर्ने अवस्था आएको उनले बताइन् ।

उनले भनिन्, ‘छात्रवृत्ति शिक्षा निर्देशिका हुँदा हुँदै पनि परिचय पत्रका कारण समस्या भएको छ । हाम्रो मुक्त कमलहरी दिदी बहिनीहरू अभिभावक विहीन होस्टलमा बस्दै आएका छन् । उनीहरूको अभिभावक छैन । तर, विश्वविद्यालय अनुदान आयोगले नाता प्रमाणित खोज्ने गर्दछ । तर, अभिभावक नभएकाले कोसँग नाता प्रमाणित गर्ने रु यसप्रति सरकार सोच्नु पर्ने हुन्छ ।’ यस्तै उनले आर्थिक समस्याका कारण धेरै मुक्त कमलरीहरू क्याम्पस बढ्नबाट बञ्चित हुने अवस्था आएको पनि बताइन् ।

उनका अनुसार प्लस टु गरेका मुक्त कमलहरीले पैसाका कारण क्याम्पसमा भर्ना हुनसकेका छैनन्, भने भर्ना भएकाहरू पनि आर्थिकका कारण छोड्नु पर्ने अवस्था रहेको छ । उनले छात्रावास बसेर अध्ययन गर्दै आएका मुक्त कमलरीहरूलाई खान, बस्ने र छात्रवृत्ति नहुँदा समस्या भइरहेको पनि बताइन् । उनले केही समय अगाडि स्थानीय तहलाई समेत ध्यानाकर्षण पत्र बुझाएर आफूहरूको समस्याको बारेमा जानकारी गराएको उल्लेख गरिन् ।

उनले समस्यालाई राज्यले समय मै सम्बोधन नगरेको खण्डमा आन्दोलन गर्ने चेतावनी दिइन् । राज्यले आफूहरूलाई अन्य समुदाय सरह समेटेको भन्दै त्यो आफूहरूलाई मान्य नभएको पनि बताइन् । आफूहरू छुट्टै परिस्थितीबाट गुज्रिएर आएको हुँदा आफूहरूले भोगेका समस्या छुट्टै भएका कारण अन्य समुदाय सरह नसमेट्न आग्रह गरिन् । उनले आफूहरूले पाउँदै आएका सेवा सुविधाहरु पनि फरक किसिमका भएको बताउँदै आफूहरूको मागलाई सरकारले वेवास्ता गरेकाले तत्काल ध्यान दिनु पर्ने बताइन् ।

प्रतिकृया दिनुहोस्

Flash News

अढाई करोडका सिन्काले दाँत कोट्याउँछन् नेपाली ! पौडी खेल्ने क्रममा दुई भारतीय नागरिकको मृत्यु तत्कालीन नेकपाका बहुमत सदस्यको भेटवार्ता, के भयो कुराकानी ? सरसफाइका लागि कठोर नीति ल्याउँदै तुलसीपुर चट्याङ लागेर ३ बाख्रा र एक भैंसी मरे, एक महिला घाइते जन्ती हिँडेको ट्याक्टर दुर्घटना, १ जनाको मृत्यु फूलहरूलाई के हिउँद, के बर्खा (फोटोफिचर) बुटवल मण्डपको नाम फेर्ने उपमहानगरको निर्णयप्रति व्यवसायिक संघ-संस्थाहरुको असहमति, फिर्ता लिन माग तुलसीपुरका पानी मुहान क्षेत्रमा चुनढुगा उत्खननको तयारी, खानेपानी संस्थाको बिरोध एमालेभित्रको अन्तर्घात छानबिन गर्न कार्यदल तिलोत्तमालाई युवामैत्री स्थानीय शासन घोषणा गर्न प्रतिबद्धता छोरी भएर जन्मिनु विडम्बना हो ! अर्थ मन्त्रालयले लुकायो बजेट भाषणको अघिल्लो दिनको सीसीटीभी फुटेज हस्ताक्षर किर्ते गरी छ्यालिस लाख रुपियाँ अपचलन गर्ने कर्मचारी पक्राउ पन्ध्र प्रतिशत दलित बालबालिका विद्यालयको पहुँच बाहिर पत्रकार पन्थीको ‘अन्ट्रान्सलेटेबल’ विश्वका १२ देशमा अमेजनमार्फत हार्डकभर र पेपरब्याकमा विपद्बाट हुने क्षति न्यूनिकरण गर देशको आर्थिक अवस्था गम्भीर संकटमा : प्रचण्ड सेयर बजारमा हरियाली बुटवलमा साइन्स-म्याथ ओलम्पियाड, कान्ति माविका शिशिर प्रथम