४ कार्तिक २०७८, बिहीबार

Oct 21, 2021

बुटवल । मुलुकमा कानूनी शिक्षामा रुचि बढ्दै गएकाले अब गुणत्मकतामा जोड दिनुपर्ने एक कार्यक्रममा औल्याइएको छ । १७ औं शताब्दीबाट औपचारिक सुरुवात भएको कानूनी शिक्षालाई गुणस्तरीय र सीपमुलक बनाउन आवश्यक रहेको विज्ञहरुले औल्याएका हुन् ।

Advertisement

लुम्बिनी बौद्ध विश्वविद्यालय मानविकी तथा सामाजिक शास्त्र संकायले आइतबार बुटवलमा आयोजना गरेको नेपालमा कानूनी शिक्षा : चुनौति तथा अवसर विषयक अन्तरक्रिर्यामा बोल्दै विज्ञहरुले कानूनी शिक्षामा रुचि बढ्दै जानु सकारात्मक भए पनि चुनौति थपिदै गएको बताए । सो अवसरमा बोल्दै बौद्ध विश्वविद्यालयका उपकुलपति बौद्ध दर्शन कानूनको स्रोत रहेको भन्दै दर्शन र कानूनी शिक्षालाई संगसंगै अघि बढाउनुपर्ने बताए । बुद्धले मनको कानूनलाई विशेष रुपमा लिएको भन्दै अवको शिक्षा त्यस अनुरुपकै रहनुपर्ने उनको भनाई छ । बुद्धले प्राकृतिक कानूनलाई अघि बढाएको भन्दै त्यो कानूनलाई कसैले काट्न नसक्ने उनले बताए ।

विश्वविद्यालयका रजिष्ट्रार डा. तिलकराम आचार्यले विश्वविद्यालयले फरक शैली र सोचका कानूनी शिक्षाका जनशक्ति उत्पादन गर्ने बताए । पाश्चात्य सोचबाट अघि बढेको कानूनी शिक्षाभन्दा पृथक रहेर पूर्विय सभ्यतासहित शिक्षामा जोड दिएको उनले बताए । कानून विषय पढ्नेमात्रै नभई सिकेर अघि बढ्नुपर्ने विषय भएकाले विश्वविद्यालयले सिकाईमै जोड दिएको बताए । भौतिक पूर्वाधार, दक्ष जनशक्ति, अभ्यासको प्रर्याप्तता कानूनी शिक्षाका विद्यमान चुनौति रहेको बताउदै रजिष्ट्रार आचार्यले लुबौबिले ती चुनौति समाधानमा लागेको बताए । ‘यो विश्वविद्यालय पढ्ने विद्यार्थीहरुको फरक पहिचान बनाउनुपर्छ, हामी लेक्चर दिनेमात्रै होएन, सिकाई बढाउने गरी अध्यापन गराइराखेका छौं’, उनले भने । कानून पढ्नेहरु समाज र कानूनहरुसंग सदैव अपडेट हुन आवश्यक रहेको भन्दै उनले विद्यार्थीलाई सोही दिसामा अघि बढ्न आग्रह गरे ।

कानूनी शिक्षाको उदय बौद्ध दर्शनबाटै भएको उनले बताए । बुद्धले आफ्नै जीवनकालबाटै कानूनको परिपालन गरेको भन्दै नेपालमा पूर्विय सभ्यता अनुसारको कानूनी शिक्षा आवश्यक रहेको बताए । पाश्चात्य शैलीको कानूनी शिक्षा छाडेर बौद्ध विश्वविद्यालयले बौद्ध दर्शनसहितको कानूनी शिक्षा शुरु गरेको उनले बताए । उनले बौद्ध दर्शनको दृष्टिबाट कानूनी शिक्षाको अध्ययन अनुसन्धान हुनुपर्ने बताए । पाश्चात्य कानूनी सोचबाट हटेर पूर्विय सभ्यतामा रहेर अध्ययन गर्नुपर्ने उनले बताए ।

सो अवसरमा बोल्दै वेपत्ता पारिएका व्यक्तिको छानविन आयोगका सचिव श्याम कुमार भट्टराईले कानूनी शिक्षामा दक्ष जनशक्तिहरुको रुचि बढेको भन्दै विश्वविद्यालयले गुणात्मकतामा सम्झौता गर्न नहुने बताए । निकै सानो संख्यामा कानून पढ्ने व्यक्तिहरु रहेकोमा अहिले स्नातकदेखि स्नातकोत्तर तहमा दक्ष जनशक्तिको लहर चलेको भन्दै यो सकारात्मक भएको उनले बताए । कानूनी शिक्षा जीवनसंगै जोडिएको भन्दै उनले राज्य सञ्चालन, संविधान कार्यान्वयन, संघीयताको पालनाको विषयमा महत्वपूर्ण भूमिका राख्ने बताए ।

कानूनी शिक्षालाई प्रयोगात्मकतामा जोड दिनुपर्ने अहिलेको चुनौति रहेको उनको भनाई छ । अहिले भएका जनशक्ति गुणात्मक नदेखिएकाले अव उत्पादन हुने जनशक्ति सीपयुक्त, अभ्यासयुक्त बनेको हुनुपर्ने उनले बताए । विश्वविद्यालयका मानविकी तथा सामाजिक शास्त्र संकायका डीन प्रा.डा. रामचन्द्र पौडेलले बौद्ध विश्वविद्यालयले कानूनका दक्ष जनशक्ति उत्पादनमा जोड दिएको बताए । यसका लागि विद्यार्थीको मेहनत आवश्यक रहेको उनले बताए ।

कार्यक्रममा नेपाल बार काउन्सिलका पार्षद बाबुराम पाण्डेले कानून पढ्नेहरु बेरोजगार बस्नु नपरेको बताए । लगनशील विद्यार्थीहरुका लागि कानूनी क्षेत्रमा उज्वल भविष्य रहेको उनले बताए । कार्यक्रममा वरिष्ठ पत्रकार डीआर घिमिरे, बुटवल सिटी कलेजका कार्यक्रम संयोजक बलबहादुर पाण्डे, उपप्राध्यापक मेघनाथ खनाल लगायतले कानूनी शिक्षाको महत्व र चुनौतिबारे आफ्ना धारणा राखेका थिए ।

Follow Us

प्रतिकृया दिनुहोस्

Flash News

सीडीओ र एसपी तासमा मग्न भिडियो सार्वजनिक भएपछि… अवरुद्ध सिद्धार्थ राजमार्ग चालु नाम्खाको तुम्लिङमा फसे चार विदेशीसहित १२ जना बुटवलमा काटेर राखिएका ३० हेक्टर क्षेत्रफलको धान बाली क्षेति पप्पु कन्स्ट्रक्सनले निर्माण गरेको कमला नदी पुलको अर्को स्पान पनि भासियो ‘सन् २०२२ सम्म कोभिड महामारी’ पुरानै लयमा फर्किदै छ बेनी बजार विश्वकै सबैभन्दा लामो लकडाउन आजदेखि खुल्दै हात्ती आक्रमणबाट मृत्यु भएका परिवारलाई दश लाख धान डुब्यो, गहुँ लाउने आश मर्‍यो बुद्धको महापरिनिर्वाण भएको कुशिनगरमा अन्तर्राष्ट्रिय विमानस्थल भारतमा नौ महिनामा एक अर्बले लगाए खोप नेपाली फिल्म ‘एक्सन नाइन’मा सुनिल शेट्टीको इन्ट्री महिला मेयर कप आजबाट, उद्घाटन खेलमा महालक्ष्मी र बागमती भिड्दै प्रधानमन्त्री देउवा आज कर्णाली र सुदूरपश्चिमको निरीक्षणमा जाँदै अलपत्र पर्यटकको उद्धार गर्न गृहमन्त्रीको निर्देशन चितवनको ३० प्रतिशत धानबालीमा क्षति बागलुङमा ड्रागन फ्रुटको व्यावसायिक खेती सिद्धार्थ राजमार्ग अवरुद्ध बालुवा बाेकेकाे ट्रक दुर्घटना, चालकको मृत्यु