काठमाडौँ । युइएफए नेशन्स लिग अन्तर्गत स्पेन फाइनलमा पुगेको छ । स्पेनले गएराती सेमिफाइनलमा इटालीलाई २-१ गोल अन्तरले पराजित गर्दै नेशन्स लिगको फाइनलमा पुगेको हो ।स्पेनको जितमा दुवै गोल फोरान टोरेजले गरेका हुन् । टोरेजले खेलको १७औं र ४५औँ मिनेटमा एक एक गोल गरेका थिए ।
त्यस्तै इटालीका लागि लोरेन्जो पेल्लेग्रिनीले खेलको ८३औं मिनेटमा एक गोल फर्काएका थिए । यस खेलमा लियोनार्दो बोनुचीले खेलको ४२औं मिनेटमा रातो कार्ड पाएपछि इटाली १० खेलाडीमा सिमित भएको थियो ।यस खेलमा स्पेनबाट १७ बर्षिय मिडफिल्ड गाभीले अन्तर्राष्ट्रिय फुटबलमा डेभ्यु गरेका थिए ।
योसँगै अन्तर्राष्ट्रिय फुटबलमा इटालीको ३७ खेलको अपराजित यात्रा टुंगिएको छ । इटाली २०१८ देखि अन्तर्राष्ट्रिय फुटबलमा अपराजित रहेको थियो । यसअघि इटाली २०१८ को सेप्टेम्बर १० मा पोर्चुगलसँग १-० गोल अन्तरले पराजित भएको थियो । त्यस यता खेलेका खेलमा इटालीले २८ खेल जितेको थियो भने ९ खेलमा बराबरी खेलेको थियो । २०१८ को मे मा इटालीको प्रशिक्षक सम्हालेका रोबेर्टो मान्चिनीको नेतृत्वमा रहेको इटालीले उनको नेतृत्वमा यो पहिलो हार बेहोरेको छ ।
यो जितपछि स्पेनले अब युइएफए नेशन्स लिगको फाइनलमा बेल्जियम या फ्रान्सको सामना गर्ने छ । नेशन्स लिगको दोस्रो सेमिफाइनल आजराती बेल्जियम र फ्रान्सबीच हुदै छ भने फाइनल खेल अक्टोबर ११ मा हुने छ ।
युनिकोड
मिति रूपान्तरण
ग्लोबल आवाज
प्रतिक्रिया