१ कार्तिक २०७८, सोमबार

Oct 18, 2021

बुटवल । रुपन्देहीमा बाढी, पहिरो र डुबानले विस्थापित बनेका घर–परिवार स्थायी बासमा फर्कने पर्खाइमा छन्। बाढी पहिरोले परिवार गुमाएकाहरु राहतको पर्खाइमा छन्। विपद्मा परेका नागरिकहरुलाई स्थानीय सरकारले सानोतिनो सहयोग तथा राहत प्रदान गरे पनि प्रदेश र केन्द्र सरकारको ध्यान भने अझैसम्म पुग्न नसकेको उनीहरुको गुनासो छ ।

Advertisement

लुम्बिनी प्रदेशकोअस्थायी मुकाम तथा गृहमन्त्री बालकृष्ण खाँणको गृह जिल्ला रुपन्देहीका नागरिकको यो पर्खाई कहिले पूरा हुने हो अझै टुङ्गो छैन। मन्त्री भएको २ महिना हुँदापनि गृहमन्त्री खाँणको ध्यान जिल्लातर्फ मोडिएको छैन । रुपन्देही क्षेत्र नम्बर ३ समानुपातिक तर्फबाट प्रदेशसभा सदस्य बनेका गृहमन्त्री खाँणले आफ्नो जिल्लाका नागरिक विपद्सँग लडिरहेका बेला एक पटक पनि नजर नफर्काउँदा यहाँ नागरिकले गुनासो गर्न थालेका छन् ।

उनकै गृह नगर तिलोत्तमामा बाढीले डुबानमा पर्दा लाखौंका खेती बालीमा क्षति पुर्याएको छ । जिल्लाका विभिन्न पालिकाहरुमा बाढी तथा डुबानले भएका क्षतिको पूरा विवरण अझैसम्म आउन सकेको छैन । गृहमन्त्रीकै जिल्ला भएका कारण विपद् तथा क्षतिको तथ्यांक संकलन, राहत वितरण र विस्थापितहरुलाई पुनःबासको व्यवस्था तीव्र गतिमा हुनु पर्ने जनताका अपेक्षा अधुरै छन्।

यसैगरी लुम्बिनी प्रदेश सरकारले पनि हालसम्म विपद्बाट भएका क्षतिको विवरण संकलनको काम नै सकेको छैन ।आन्तरिक मामिला तथा सञ्चार मन्त्रालयका सचिव रविलाल पन्थका अनुसार प्रदेशका सबै जिल्ला प्रशासन कार्यालयहरुलाई तथ्यांक ल्याउनका लागि निर्देशन गरिए पनि हालसम्म काम पूरा भएको छैन । घटना भएको २ साता वितिसक्दा पनि तथ्यांकमै अल्झिएको प्रदेश सरकारको ध्यान नागरिकप्रति कति गम्भीर छ भन्ने कुरालाई यसले प्रष्ट पारेको छ ।

यही भाद्र ११ गते आएको बाढीले रुपन्देहीमा मात्रै ४ जनाको ज्यान गयो भने एक जना अझै वेपत्ता छन् । प्रमुख जिल्ला अधिकारी अस्मान तामाङका अनुसार जिल्लाका बुटवल उपमहानगर, लुम्बिनी साँस्कृतिक नगरपालिका, ओमसतिया गाउँपालिका र मर्चवारी गाउँपालिका गरी ४ जना नागरिकले बाढीमा डुबेर तथा नदीले बगाएर ज्यान गुमाएका छन् । यसैगरी सम्मरीमाई गाउँपालिकाका एक नागरिक अझैसम्म वेपत्ता छन् । बुटवल उपमहानगरका प्रवक्ता रामप्रसाद रेग्मीका अनुसार ज्योतिनगर पहिरो र तिनाउ नदीको कटानले विस्थापित बनेका करिब ५० घर परिवार स्थायी बासस्थानमा फर्कने पर्खाईमा छन् ।

स्थानीय स्तरमा प्राप्त स्रोत र साधनले उनीहरुलाई अस्थायी रुपमा व्यवस्थापन गरिए पनि पुनःबास गराउनका लागि प्रदेश तथा संघीय सरकारले पहल गर्नु पर्ने उनको भनाई छ । विस्थापित भएका अधिकांश घरपरिवारलाई पहिलेकै ठाउँमा पुनःबास गराउन सम्भव देखिएपनि केही घर परिवारलाई भने स्थायी बसोबासका लागि ठाउँको व्यवस्था गर्नु पर्ने भएकाले प्रदेश र केन्द्र सरकारले सहयोग गर्नु पर्ने भएको उनले बताए ।

बाढी पहिरोले प्रभावित बनेको रुपन्देहीमा केही दिनअघि पूर्वउपप्रधान तथा गृहमन्त्री विष्णु पौडेलले अवलोकन भ्रमण गरेर फर्किएका छन् । एमाले लुम्बिनी प्रदेश कमिटिको बैठकका लागि बुटवल आएका पौडेलले मेसो मिलाएर ज्योतिनगरको पहिरो प्रभावित क्षेत्रको अवलोकन गरेका थिए । यसैगरी वर्तमान गृहमन्त्री बालकृष्ण खाँणको मेसो कहिले मिल्ने हो जनताको पर्खाई कायमै छ ।

आफ्नै गृहनगरमा बाढीले डुवान परी बाली नोक्सान हुँदा,दर्जनौं उद्योग डुबेर करोडौंको क्षति हुँदा,गृहजिल्लाको बुटवलमा पहिरोबाट दर्जनौं घरमा क्षतिका साथै शहर जोखिममा पर्दा,छिमेकी चेलीको मृत्युले आन्दोलन चर्किदा,पुल भासिएर पूर्व–पश्चिम राजमार्ग अवरुद्ध लगाएतका विपद् र समस्या पर्दा पनि गृहमन्त्री जस्तो जिम्मेवार पदमा रहेका खाँणको न त कुनै प्रतिक्रिया छ न त उपस्थिति नै।

Follow Us

प्रतिकृया दिनुहोस्

Flash News

जब अक्षय हेलिकप्टरमा बिना सुरक्षा झुण्डिए … नदीमा ढुंगा लिन गएका ट्रयाक्टर चालक बगेर बेपत्ता दाङमा धानवालीमा पुगेको क्षतिको विवरण संङ्कलन हुँदै रुपन्देहीको समृद्धिका लागि सदैब प्रयत्नशिल रहनेछु : गृहमन्त्री खाँण बाढीले डाइभर्सन बगायो, पुर्व–पश्चिम राजमार्ग अवरुद्ध दुई दिनको वर्षाले धानबाली नष्ट, काटेर राखेका धान पनि खेतमै डुब्यो भित्र्याउने बेलाको रुपन्देहीको धानबालीमा वर्षाले क्षति, क्षतिको विवरण आउन बाँकी जेम्स बोन्डको सम्पत्ति सन्तानले नपाउने प्रकृतिसँग रमाउन सिद्धबाबाधाम मनकामनामा बस दुर्घटना : ३० घाइते, १० को अवस्था गम्भीर बजारमा गोलभेडाको मुल्य बढ्दा साना किसानको टनेलबाटै खोसाखोस सुविधा मात्रै लिएर बित्यो चार वर्ष, भूमिकाविहीन जिसस अभिषेक, दर्शन, मनिष र आयुष सम्मिलित यू–२३ टोलीकाे घोषणा हिन्दू मन्दिर तोडफोड, मुसलमानको ज्यादतीबिरुद्ध भोक हड्ताल घोषणा आईसीएफसी फाइनान्सको १०% बोनस सेयर र ४% नगद लाभांश घोषणा गुल्मी कारागारमा क्षमताभन्दा तेब्बर कैदीबन्दी : १० स्थायी दरबन्दी १ कर्मचारी श्रीमतीको लौरो प्रहारबाट श्रीमानको ज्यान गयो,श्रीमती गम्भिर घाइते रुपन्देही आउन लागेका गृहमन्त्री खाँण काठमाण्डौंमा रोकिए स्वदेश फर्कियो साफ उपविजेता नेपाली टोली पानीले खर कुहिएपछि किसान मर्कामा