२३ असार २०७९, बिहीबार

Jul 7, 2022

ग्यालिलियो ग्यालिलीलाई आधुनिक भौतिकशास्त्रका पिता पनि भनिन्छ । आजैका दिन उनले आफ्नो टेलिस्कोप भेनिसका सांसद्हरुसामु पेश गरेका थिए, जसले ब्रह्मान्ड र ग्रहहरुका विषयमा मानिसको दृष्टीकोण सधैंका लागि बदल्नेवाला थियो ।

Advertisement

१५ फेब्रुअरी १५६४ मा इटलीमा ग्यालिलियोको जन्म भयो । उनले पिसा विश्वविद्यालयबाट मेडिसिनको पढाई सुरु गरे, तर उनको मन गणितमा थियो । त्यसैले बाबुको इच्छाविपरीत गणितमै करियर बनाउने सोचमा उनी पुगे । त्यसैले पढाई पूरा नगरी उनले विश्वविद्यालय छाडिदिए र गणित तथा फिलोसोफी पढाउन थाले । अर्को दुई दशकसम्म उनले गति र वजन मापनको छोटो इकाईबारे काम गरे । यस दौरान आफ्नो कामले उनी प्रसिद्ध हुन थाले । उनलाई विश्व विद्यालयहरुले गेस्ट लेक्चररको रुपमा बोलाउन थाले ।

यसपछि पिसा विश्वविद्यालयमा प्रोफेसर नियुक्त गरियो र केही वर्षपछि पदुआ विश्वविद्यालयमा पनि पढाउन थाले । सन् १६०९ मा उनलाई खबर मिल्यो कि नेदरल्यान्डमा टेलिस्कोपको आविस्कार भयो ।
यस टेलिस्कोपलाई हेन्स पिरशी नामका एक व्यक्तिले बनाएका थिए, जसले नेदरल्यान्ड्समा चश्मा बनाउने कारोबार गर्दथे ।

चश्मा बनाउँदै गर्दा उनले अलग–अलग लेन्सलाई मिलाएर टेलिस्कोप बनाएका थिए । ग्यालिलियो पनि टेलिस्कोप बनाउने काममा जुटे । र, उनले हेन्स लिपरशीभन्दा धेरै शक्तिशाली टेलिस्कोप बनाए । यो टेलिस्कोपले कुनै पनि वस्तुलाई तीनगुणा ठूलो देखाउँथ्यों । उनले लेन्सको कम्बिनेशनमा परिवर्तन गर्दै यसको शक्ति ८ गुणा धेरै देख्न सकिने बताए ।

२५ अगस्ट १६०९ मा यसलाई भेनिसका सांसद्हरु समक्ष पेश गरियो । सांसद्हरुले एक घण्टाघरमा गएर टेलिस्कोपको माध्यमबाट टाढा–टाढासम्मका वस्तुहरु हेरे । सबैभन्दा पहिले ३५ माइल टाढा रहेको टावर अफ सेन्ट गिस्टिनालाई टेलिस्कोपको माध्यमबाट देखियो ।

त्यसपछि टेलिस्कोपलाई घुमाउँदै पश्चिममा ट्रेविसो र दक्षिण कोनिग्लियानो शहरलाई देखियो, जो ५० माइल टाढा थियो । यसपछि टेलिस्कोपलाई ५० माइलभन्दा पनि टाढा मुरानो शहरतर्फ घुमाइयो । यहा सांसद्हरुले सेन गियाकोमो चर्चमा प्रार्थना गर्दै गरेका एक व्यक्ति देखे । धेरै माइल्स टाढाका कुराहरु पनि स्पष्टसँग देखेर सांसद्हरु मख्ख थिए ।

खुसी भएर उनीहरुले ग्यालेलियोको तलब डबल गरिदिए । यसपछि आफ्नो टेलिस्कोपको माध्यमबाट ग्रह र ब्रह्मान्डको खोजी गर्ने काम ग्यालिलियोले थाले । उनले टेलिस्कोपबाट चन्द्र, सूर्य, बृहस्पति र शुक्र ग्रहको विषयमा अध्ययन थाले ।

यस अध्ययनकै आधारमा उनले १६१० मा ‘स्टोरी म्यासेन्जर’ नामक पुस्तक लेखे । यस पुस्तकले ब्रह्मान्डका नयाँ नयाँ रहस्यलाई बाहिर ल्यायो । ग्यालेलियोले यस पुस्तकमा बताए कि चन्द्रमाको सतह समथर छैन, वृहस्पति ग्रहको आफ्नो अलग चन्द्रमा छ र चन्द्रमाका अलग–अलग चरण छन्, जो बदलिइरहन्छन् ।

यसपछि ग्यालेलियोले लगातार ब्रह्मान्डको अध्ययन गरे । पृथ्वीले सूर्यको चक्कर लगाउँछ भनेर उनले बताए । यसपछि उनीमाथि विधर्मी हुने आरोप लगाइयो र नजरबन्द गरियो । आफ्नो मृत्युदसम्म ग्यालेलियो नजरबन्दमा थिए । स्रोत : दैनिक भास्कर

प्रतिकृया दिनुहोस्

Flash News

दाङमा भोलिदेखि सुरु हुँदै प्रदेश स्तरीय राष्ट्रपति रनिङ शिल्ड कपिलवस्तुमा करेन्ट लागेर २२ वर्षीय तेलीको मृत्यु प्रहरी समायोजन ऐन कार्यान्वयन नभए आन्दोलनमा उत्रिने ६ वटा प्रदेशको चेतावनी माओवादीको पोलिट्ब्यूरो १५६ सदस्यीय, ३१ वैकल्पिक सदस्य थप उपराष्ट्रपतिले भारतीय राजदूतसँग भने– नेपाल, भारत र चीनबीच त्रीपक्षीय सहकार्य गर्नुपर्छ एम्बुलेन्स दुर्घटना हुँदा तीन महिने शिशुको मृत्यु मिस्टर एण्ड मिस नवलपरासीको उपाधि रवि र श्रुतिलाई लुम्बिनीको दाङमै उत्पादन हुन्छ डिएपी मल माओवादी पोलिटव्युरो १२५ सदस्यीय, प्रचण्डको परिवारबाट चार जना (नामसहित) नेप्से १६ अंकले घट्यो माओवादी केन्द्रको माग- एसपीपीमा सहभागी नहुने पत्र अविलम्ब अमेरिकालाई पठाइयोस् कारागारमा क्षमताभन्दा तीन गुना बढी कैदीबन्दी, सुत्न र शौचालय जान समस्या प्रचण्डको प्रतिवेदन केन्द्रीय समितिबाट सर्वसम्मतिले पारित स्कुल बस दुर्घटना हुँदा ८ जना घाइते बुढीगंगाको मतदान केन्द्रमा तनाव, प्रहरीद्वारा हवाइ फायर तिनाउ करिडोरमा काम गर्ने एक मजदुर बुटवलको देविनगरमा मृत फेला आधारभुत विद्यालय : कोठा एक, कक्षा चार रुपन्देहीमा अवैध रूपमा ल्याउँदै गरेको सुनसहित भारतीय पक्राउ १५ वर्षीया किशोरी बलात्कृत पदाधिकारी आजै टुंगिन्छः वर्षमान पुन