६ जेष्ठ २०७९, शुक्रबार

May 20, 2022

बुटवल । बुटवलका पुराना कम्युनिष्ट,बुद्धिजीवी र कार्यकर्ताहरुले एमाले एकता र पार्टी सुदृढीकरणका लागि अभियान शुरु गरेका छन् । पार्टीका शीर्ष नेताहरुबीचको आपसी विवाद र आन्तरिक द्वन्द्वमा कुनै सैद्धान्तिक आधार नरहेको भन्दै उनीहरुले विधि, विधान र नवौँ महाधिवेशनको म्यान्डेटका आधारमा पार्टीभित्रको विवाद समाधान गरिनुपर्ने बताएका छन् ।

Advertisement

नेताहरुलाई एकतामा लागि सचेत पार्न भन्दै उनीहरुले सात बुँदे प्रस्तावसमेत तयार गरेका छन् । शनिबार बुटवलमा आयोजित एकताबद्ध एमाले र संगठन सुदृढीकरण लागि अन्तरसंवाद कार्यक्रममार्फत उनीहरुले पार्टीभित्रका सबै विचार समूहलाई उचित स्थान दिई व्यवस्थापन गर्नुपर्ने, नवौँ महाधिवेशनबाट पारित नीति,कार्यक्रम र विधानलाई पूर्णतः पालना गर्नुपर्ने, पार्टी केन्द्रिय कमिटीको निदृष्ट निर्णयअनुसार सामूहिक प्रणालीमा जानुपर्ने प्रस्ताव तयार गरेका छन् ।

यसैगरी प्रस्तावमा पार्टीको दशौँ महाधिवेशन यथाशीघ्र आयोजना गरी सोही मार्फत विवाद टुङ्ग्याउनुपर्ने, पार्टीमा व्याप्त अन्तरविरोधलाई आत्मालोचना–आलोचनासहित पाटीभित्रै हल गर्नुपर्ने र कमिटी प्रणालीलाई सर्वसम्मत बनाई नियमित बैठक र छलफल गर्नुपर्ने रहेका छन् । सो सात बुँदै प्रस्ताव एमाले पार्टीको नेतृत्व तहमा पेश गर्ने र सो अभियानलाई देशका सबै जिल्लामा पु¥याई नेताहरुलाई सचेत गराउने तयारी उनीहरुको छ ।

यसअघि अन्तरसंवाद कार्यक्रममा बोल्दै राष्ट्रिय सभाका सांसद् एवम् माक्र्सवादी चिन्तक देवेन्द्र घिमिरेले प्रतिनिधिसभा विघटन र नागरिकता विधेयक गलत भन्दै पार्टी नेतृत्व गुटगत मानसकिताबाट माथि उठ्नुपर्ने बताए । उनले पार्टी बचाउन देशभरिबाट कार्यकर्ताले नेतृत्वलाई दवाब दिनुपर्ने उल्लेख गरे । सविधानसभा सदस्य नेत्र पन्थीले पार्टी नीति,विचार र विधानअनुसार चल्नुपर्ने बताउदै नवौँ महाधिवेशनको नेतृत्व र कार्यक्रम अनुसार नै पार्टी अगाडि बढ्नुपर्छ भने ।

सो अवसरमा वरिष्ठ पत्रकार एवम् अधिवक्ता डा. बालकृष्ण चापागाईले पार्टीका दुबै समूह अतिवादी भएको उल्लेख गर्दै हालको नेतृत्वलाई विदा गरी नयाँ पुस्तामा नेतृत्व हस्तान्तरण गर्नुपर्ने आवश्यकता औल्याँए । युवा बुद्धिजीवी मञ्चको आयोजनामा भएको सो कार्यक्रममा औषधि व्यवसायी बाबुराम भट्टराई ,भुवनेश्वर भण्डारी ,बुद्धिजीवी विचार मञ्चका अध्यक्ष हरि ज्ञवाली, गणेश घिमिरे, गौतमलाल शाक्य लगायतले बोलेका थिए ।

मञ्चका संरक्षक कमल गौतमको सभाध्यक्षमा भएको उक्त अन्तरसंवाद कार्यक्रममा कमल गौतमले कार्यक्रमको औचित्यबारे प्रकाश पार्दै नेतृत्व तहका दुबै समूहलाई एकता र पार्टी सुदृढीकरणबारे सचेत पार्ने बताए । उनले एकताबद्ध एमालेविना कुनै समूहको अस्तित्व नरहने र पार्टी सुदृढीकरण अत्यावश्यक भएको भन्दै आफ्नो अभियानलाई देशव्यापी बनाउने बताए । मञ्चका अध्यक्ष हरि ज्ञवालीको सञ्चालन र वरिष्ठ लेखक गणेश घिमिरेको स्वागतमा कार्यक्रम सम्पन्न भएको थियो ।

प्रतिकृया दिनुहोस्

Flash News

घर फर्किए म्यादी प्रहरी उत्तर कोरियामा ‘ज्वरो’बाट २२ लाख प्रभावित मदन भण्डारी स्मृति यु–१४ लिटिल स्टार क्रिकेटको उपाधि बुटवल टाइगर्सलाई गठबन्धनलाई भारी मतले पछि पार्दै कलैया उपमहानगरमा एमाले विजयी तिलोत्तमामा गठबन्धनका खाँणलाई पछि पार्दै चापागाईं, उपप्रमुख चौधरीको फराकिलो मतान्तर कायम स्वस्थ जीवन जिउन उचित आहारमा ध्यान दिऔँ : लुम्बिनी प्रदेश प्रमुख शेरचन रुपन्देहीका ८ पालिकाका निर्वाचित जनप्रतिनिधिले लिए शपथ सैनामैनाका जनतालाई पूर्व मेयर कार्कीको प्रतिबद्धता-‘जनसेवामा जुट्न कुनै कुराले बाधा पुर्याउने छैन’ सैनामैना प्रमुखमा गठबन्धनका शर्मा, उप-प्रमुखमा एमालेकी राना रुपन्देहीको गैडहवा प्रमुख र उपप्रमुखमा एमाले विजयी लिटिल बर्ड्समा पुरस्कार वितरण तथा सांस्कृतिक कार्यक्रम एसिया कप छनोट: किरण पनि टिमबाहिर, चार खेलाडीलाई अवसर सम्मरीमाईमा अध्यक्ष र उपाध्यक्षमा कांग्रेस विजयी रुपन्देहीको मर्चवारी अध्यक्षमा कांग्रेस परित्याग गरेका बरई विजयी तिलोत्तमामा खाँण भन्दा चापागाईं १८६ मतले अगाडि ६५० पालिकामा नतिजा आयो, कांग्रेसलाई २९२ पालिका पाल्हीनन्दन गाउँपालिकामा पुनःमाओवादीका बैजुप्रसाद गुप्ता शपथ ग्रहणपछि सिद्धार्थनगरका मेयरकाे घाेषणा- आफूले पाएकाे मत बराबर वृक्षारोपण गर्छु भरतपुर महानगर अपडेट : रेनुलाई ३ हजार बढी मतान्तर, पछ्याउँदै सुवेदी छुट्टाछुट्टै सवारी दुर्घटनामा चार जनाको मृत्यु