२० मंसिर २०७९, मंगलवार

Dec 6, 2022

Advertisement

बुटवल । नेपाल स्टक एक्सचेन्ज (नेप्से) ले काठमाडौं उपत्यका बाहिर बुटवलमा पहिलो पटक आइतबार ‘विद्यार्थीसँग नेप्से’ विषयक सेमिनार कार्यक्रम सम्पन्न गरेको छ । नेप्सेको आयोजना र एक्सिस कलेज जानकीनगर, रूपन्देहीको सहकार्य तथा लिन्च स्टक मार्केटको समन्वयमा कार्यक्रम भएको हो । सेमिनारमा नेपालको पूँजी बजारका ‘इस्यू एण्ड फयाक्ट’ र ‘नेप्से अनलाइन टेनिङ सिस्टम’ विषय दुई वटा कार्यपत्र प्रस्तुत गरिएको थियो ।

पूँजी बजारका ‘इस्यू एण्ड फयाक्ट’ विषयक पहिलो कार्यपत्र प्रस्तुत गर्दै नेप्सेका प्रबन्धक निरञ्जन फुयालले नेपालको वर्तमान पूँजीबजारलाई अन्तर्राष्ट्रिय पूँजीबजारसंग तुलना गर्दै बजारमा वित्तीय साक्षर लगानीकर्ताको आवश्यकता रहेको बताए । उनले यसलाई विद्यार्थीहरुको सक्रिय सहभागिता मार्फत परिपूर्ति गर्न सकिने बताए ।

फुयालले नेपाली पूँजी बजारमा नयाँ संरचना तथा संस्थाहरुको सहभागिता अझै आवश्यक रहेकोले विद्यार्थीहरुका लागि थप रोजगारको क्षेत्र सृजना हुने बताए । उनले सानो लगानीले विद्यार्थीहरुले लगानी पोर्टफोलियो तयार गर्न सुझाव दिए । साथै पूँजी बजारको लगानी जोखिम मुक्त नभई जोखिम युक्त भएकोले विस्तृत अध्ययनपछि मात्र लगानी गर्न फुयालले आग्रह गरे ।

नेप्से अनलाइन ‘टेनिङ सिस्टम’ विषयको कार्यपत्र प्रस्तुत गर्दै वरिष्ठ अधिकृत प्रभाकर घिमिरेले नेप्सेको अनलाइन कारोवार प्रणाली प्रयोग गर्दा ध्यान दिनुपर्ने विषयका बारेमा प्रकाश पारेका थिए । घिमिरेले सबै विद्यार्थीहरुलाई बजारमा उपलब्ध प्रविधि प्रयोग गर्दै सचेत भएर लगानी गर्न सुझाव दिए । साथै उनले बजारमा ‘टेक्नोफेन्डली’ भएकोले आफुले पनि प्रविधि प्रयोग गर्न र अरूलाई पनि प्रविधिको प्रयोग गरेर बजारमा लगानी गर्न सुझाव दिए ।

उक्त सेमिनारमा एक्सिस कलेजका २ सय भन्दा बढी व्यवस्थापन संकायका विद्यार्थीहरुको सहभागिता रहेका थियो । कार्यक्रम एम्सिस कलेजका अध्यक्ष होमराज बस्यालको सभापतित्वमा भएको हो । सेमिनारमा विद्यार्थीले उठाएका प्रश्नको जवाफ नेप्सेका प्रवन्धक निरन्जन फुयाल तथा वरिष्ठ अधिकृत प्रभावकर घिमिरेले दिएका थिए । कार्यक्रममा विद्यार्थीहरुको उत्साहजनक सहभागिता रहेको थियो ।

कार्यक्रममा एक्सिस कलेजका प्राचार्य रामप्रसाद अर्यालले कलेजले विषयवस्तु भन्दा बाहिरको विषयमा पनि ज्ञान बढाउन विभिन्न कार्यक्रम आयोजना गर्दै आइएको बताए । त्यही मध्येको कार्यक्रम अन्तर्गत ‘विद्यार्थीसँग नेप्से’ पनि रहेको अर्यालले जानकारी गराए । कार्यक्रममा कलेजका सञ्चालक गोपाल प्रसाद पाण्डे, सह प्राचार्य घनश्याम उपाध्याय, प्राध्यापक जीवनकुमार पौडेल, अमित न्यौपाने, विष्णु ढुंगानाको सहभागिता रहेको थियो । प्राध्यापक विष्णु प्रसाद गैरकोे सञ्चालनमा कार्यक्रम सम्पन्न भएको थियो ।

प्रतिकृया दिनुहोस्

Flash News

मोटरसाइकलको ठक्करबाट ८ वर्षीय बालिका घाइते प्रि-ओपन सेसनमा नेप्से सूचक २.३१ अंकले वृद्धि भाइलाई पत्नी जुटाउन यी दिदीले १२ वर्षदेखि गर्दैछिन् पैसाको जोहो अनुमतिविनाका अस्पताल छ्यापछ्याप्ती, नियमक निकाय मूकदर्शक सुपरमादीको आईपीओ खुल्यो, पुस ५ सम्म भर्न पाइने रोनाल्डो किन्‍न साउदी क्लब तयार सिम्रिकसँग हेलिकोप्टर किनेको हेली एभरेष्टले माग्यो ६ जना पाइलट अर्घाखाँचीको एउटै गाउँमा फल्यो पाँच करोडको सुन्तला पहिरोले बस पुर्दा कम्तीमा ३३ जनाको मृत्यु नेपाली अर्थतन्त्रको उल्टो यात्रा गृहमन्त्रीको चेतावनीलाई टेरेनन् मुख्यमन्त्रीले, बुटवलबाट रातारात मन्त्रालय दाङ देशभर चिसो बढ्यो, तराईमा साझ विहान हुस्सु वायु प्रदूषणः चीनमा हरेक वर्ष ६४ हजार शिशुको गर्भमै मृत्यु महाकालीको समस्या समाधानका लागि नेपालले आज कूटनीतिक नोट पठाउँदै नयाँ सांसद पनि भाडाकै भवनमा किन पार्टी फेरिरहन्छन् दीपक मनाङे ? प्रतिनिधि सभामा पुरुषको वर्चश्व, प्रत्यक्षतर्फ १६५ मध्ये ९ जना मात्र यी हुन् महिला एमाले गुल्मी-१ मतदातालाई धन्यवाद दिन गाउँतिर घाँटी रेटेर मायाको हत्या अभियोगमा पक्राउ परेका आरोपित सार्वजनिक रवि लामिछानेविरुद्ध निर्वाचन आयोगमा फेरी अर्को उजुरी