ताजा अपडेट »

रुपन्देहीमा मोटरसाइकल र स्कुटर आपसमा ठोक्किए लगत्तै मोटरसाइकलमा आगलागी

शनिबार, ११ पुस २०७७, १७ : १८
32 Shares

बुटवल । रुपन्देहीमा मोटरसाइकल र स्कुटर एक आपसमा ठोक्किए लगत्तै मोटरसाइकलमा आगलागी भएको छ ।

पुर्व पश्चिम पश्चिम बाट पुर्वतर्फ जादै गरेको गैडहवा गाउँपालिकाको लु १ ब १४३४ नम्बरको सरकारी माेटरसाईकल र लु ६४ प ३६५० नम्बरको स्कुटर सैनामैना नगरपालिका वडा नं ५ बुद्धनगर स्थित गैरे डिजल्स अगाडि ती एक आपसमा ठाेकिएका थिए ।

दुर्घटना पछि मोटरसाइकल पल्टिएलगत्तै  आगो लाग्न सुरू भएको थियो । स्कुटरलाई भने तानेर जोगाएको प्रत्यक्षदर्शीले बताएका छन्। आगो लागेपछि मोटरसाइकल पूर्ण रूपमा ध्वस्त भएको प्रहरीले जनाएको छ। दुवै सबारी साधनका चालकलाई भने कुनै चाेटपटक लागेको छैन ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।